آمریکا قوشمه ایالاتی نینگ تشقی ایشلر وزیری آنتونی بلینکن پاکستان تشقی ایشلر وزیری بوتو زرداری بیلن تیلفونی صحبت قیلگن و ایکی تامان افغانستانده تینچ‌لیک تأمین ایتیلیشی و اوشبو مملکتده تروریزم گه قرشی کوره‌شیش خصوصیده قیلگن تعهدلری اوستیگه بحث قیلگنلر.
عین‌حالده، بیرقطار سیاسی ایش بیلرمانلر، آمریکا و پاکستان مقام‌لری نینگ سوزلشوولرینی آمریکا نینگ افغانستانده قیته حضور تاپیش احتمالی‌گه باغلیق دیب بیله‌دیلر.
بیلیم‌یورت اوقوتووچیسی و سیاسی ایش بیلرمان جاوید مومند نینگ سلام‌وطندارگه ایتیشیچه، آمریکا پاکستان اویغون‌لیگی بیلن افغانستانده قیته حضور تاپیشنی ایسته‌دی.
بیزلرنینگ فیسبوک صحیفه‌میزگه باش اورینگ!
جناب مومند نینگ کوپه‌یتیریشیچه: «آمریکا، چین و روسیه مملکت‌لری اورنیده افغانستانده اورین آلیشنی ایسته‌یدی. چین حاضر افغانستانده جایله‌شیش اوچون اقتصادی فعالیت‌لرینی کینگه‌یترماقده، آمریکا ایسته‌مه‌یدی که رقیب‌‍‌لری آسان‌لیکده افغانستان توپراغیدن فایده‌لنسه‌لر.»
شونده‌ی بیرحالده، سیاسی ایش بیلرمانلردن باشقه بیر قطاری، آمریکا تشقی ایشلر وزیری بیلن پاکستان تشقی ایشلر وزیرلری نینگ قیلگن صحبت‌لری توغریسیده ایتیشلریچه، افغانستان قوشنی‌لری اوشبو مملکت‌دن ناتینچ‌لیکلر مملکت‌لریگه انتقال تاپیش خصوصیده خواطرده‌لر.
عین‌حالده، سیاسی و خلق‌ارا رابطه‌لر بوییچه ایش بیلرمان، طارق فرهادی، سلام‌وطندار بیلن اوتکزگن صحبتی‌ده ایتیشیچه، پاکستان، افغانستان توپراغیدن پاکستانلیک طالبلر اوشبو مملکتده قرشی فعالیت قیلیشلری خصوصیده خواطرده.
اونینگ کوپه‌یتیریشیچه، پاکستان افغانستان توپراغیدن پیتی کیلگنده پاکستانلیک طالبلرگه قرشی، آمریکا تامانیدن هجوم اویوشتیریلیشینی کوتیب تورگن.
بیزلرنینگ توییترده هم تعقیب قیلینگ!
جناب فرهادی‌گه کوره، افغانستان نینگ تینچ‌لیگی آمریکاگه مهم ایمس، چونکه نیچه مراتبه تأکید قیلگن دیر، آمریکا منطقه‌نی ترک قیلگن‌دن کیین منطقه‌ده خوف‌سیزلیگنی تأمین‌لَش منطقه ممکت‌لری نینگ اوزلرینی بوین‌لریگه دیر و شونینگدیک اسلامی امارت قوشنی مملکت‌لر نینگ بوتونله‌ی ایشانچ‌لرینی قولگه کیلتیریش خصوصیده ناکام بولگن.
ایتیش کیره‌ک دیرکه اسلامی امارت نینگ افغانستانده حاکم بولگنیدن قریب ۹ آی اوتماقده، بیراق حاضرگچه هیچ بیر مملکت تامانیدن رسمیت‌گه تانیلمه‌گن.
