آمریکا مدافعه وزیرلیگی یا پنتاگون، ینگی بیر گزارش ده اوشبو مملکت حربی‌لری افغانستان نی ترک ایتیشیدن کیین، سابق دولت گه یاردم بیرگن ۷ میلیارد دالرلیک حربی جهازلری افغانستان ده قالگنینی ایتگن.
اوشبو گزارش نینگ بیر نسخه‌سینی قولگه کیریتگن سی‌ان‌ان ترماغی نینگ یازیشیچه، آمریکا نینگ افغانستانده قالگن حربی جهازلری حاضر اسلامی امارت کوچلری اختیاری‌ده دیر و مدافعه وزیرلیگی مذکور جهازلرنی قیتیریش یا یوق ایتیش اوچون افغانستان گه باریش نیتی یوق دیر.
بیزلرنینگ فیسبوک صحیفه‌میزگه باش اورینگ!
مذکور گزارش اساسیده، آمریکا ۲۰۰۵- ییل دن ۲۰۲۱- ییل نینگ آگست آیی‌گچه توپلم روشده ۱۸.۶ میلیارد دالرلیک جهاز افغانستان نینگ امنیتی و دفاعی کوچلری گه یاردم بیرگن ایدی، که اولردن ۷.۱۲ میلیارد دالرلیک جهازلری ۲۰۲۱- ییل نینگ ۳۰ آگست ده اوشبو مملکت نینک حربی کوچلری چیقیش جریانی یکونیدن کیین افغانستان ده قالگن. بو جهازلر اوچاق، حربی واسطه، مخابره و قورال اوسکونه‌لریدن عبارت دیر.
گزارش‌ده کیلیشیچه، افغانستان ده قالگن اوشبو جهازلردن اکثریتی تعمیرلنیشی کیره‌ک، بوندن آلدین آمریکا مدافعه وزیرلیگی بیلن قراردادی بولگن شرکت‌لر تامانیدن تعمیرلنر ایدی.
پنتاگون گه کوره، آمریکا نینگ ۹۲۳.۳ میلیون دالرلیک اوچاق‌لری افغانستان ده قالگن. گزارش گه بناً، بو مملکت چیقیش جریانی یکونیدن آلدین، کابل ده حامدکرزی خلق‌ارا قونالغه‌سیده ایش‌دن چیققن ۷۸ اوچاق‌نی افغانستان دولتی گه قالدیرگن.
شونینگدیک گزارش‌ده کیلیشیچه، آمریکا قوشمه ایالتلری نینگ افغانستان کوچلری گه بیرگن ۹۶ مینگ حربی واسطه‌دن، ۴۰ مینگ ته‌سی جمله‌دن ۱۲ مینگ حربی هاموی، افغانستان ده قالگن گه اولردن قنچه‌سی فعال بیللی ایمس.
بیزلرنینگ توییترده هم تعقیب قیلینگ!
آمریکا مدافعه وزیرلیگی نینگ کوپه‌یتیریشیچه، آمریکا قوشمه ایالتلری افغانستان کوچلری گه بیرگن ۴۲۷ مینگ ۳۰۰ قورال‌دن ۳۰۰ مینگ قورالُ چیقیش جریانیده افغانستان ده قالگن. شونینگدیک مذکور مملکت نینگ افغانستان کوچلری گه یاردم بیرگن برچه ارتباط قوریش و مخابره اوسکونه‌لری، افغانستانده قالگن.
آمریکا سابق جمهور باشلیغی دونالد ترامپ اوشبو مملکت نینگ ۸۰ میلیارد دالردن آرتیق حربی جهازلری افغانستانده قالگنینی ادعا قیلگندن کیین، آمریکا مدافعه وزیرلیگی بو گزارش‌نی ترقه‌تگن. اونینگ کوپه‌یتیریشیچه، مذکور جهازلرنی آلیش مقصدیده آمریکا افغانستان گه قیتیشی ممکن.
