افغانستان قیته قوریلیشی اوچون آمریکا نینگ خاص تیکشیرووچی اداره‌سی یا-ده سیگار ینگی ییل‌لیک گزارشی ده افغانستان ده ۸ احتمالی خطر نی انیق‌لگن کیم ناتینچلیکلر کوپه‌یشی بو گزارش ده بیرینچی خطر دییلگن. گزارش دن نقل قیلینیشیچه، دوحه کیلیشوونامه‌سی و افغانستانلیکلرارا سوزلشوولر باشلنگنیدن کیین طالبان هجومی کوپه‌یگن.
امنیت نینگ یانیده مالی یاردم‌لرنینگ بیللی بولمه‌گنی، قوراللی دشمن‌لرنینگ قوشیلیشی، سیستماتیک فساد، اقتصادی رواجله‌نیش نینگ سیکین‌لیگی، مخدره ماده ایش‌لری، عیاللر حقلری برابریده‌گی تهدیدلر، برنامه‌لر و دنیا جماعه چیلیگی نینگ یاردم‌لریدن نظارت بولمه‌گنی سیگار نینگ گزارشی ده پیش‌بینلیک قیلینگن خطرلردن دیر.
سیگار نینگ گزارشی توغریسیده جمهوررئیس‌لیک سرایی نینگ فکرینی آلیش ایسته‌دیک، بیراق کوپینچه سعی و حرکتلر بیلن موفق بولمه‌دیک.
بیراق حربی ایش بیلرمانلر سیگار تامانیدن پیش‌بینلیک قیلینگن خطرلرنی تن آلیب ایتیش‌لریچه، افغانستان ده ناتو نینگ حضوری و یاردم بیریش توغریسیده کتته ظرفیت موجود بولمه‌گن صورتده، وضعیت باشقه هر زمان گه قره‌گنده یمان بولیشی ممکن.
عین حالده، افغانستان بوییچه آمریکا خاص تیکشیرووچیسی جان ساپکو، واشنگتن ده استراتژیک مطالعه‌لر مرکزیده آنلاین بیر ییغین اوتکزیب ایتیشیچه، تشقی مدافعه پیمانکارلرنینگ افغانستان دن چیقیشی بو مملکت امنیتی کوچلریگه آمریکالیک کوچلرنینگ چیقیشی دن کوره یمانراق تمام بولیشی ممکن.
اونگه کوره، اکتبر آیی گچه افغانستان ده ۱۸ مینگ دن آرتیق پیمانکار جمله‌دن ۶ مینگ آمریکالیک و ۷ مینگ باشقه مملکتلر پیمانکارلری افغانستان ده فعال ایکن.
