افغانستاننی قیته قوریش اوچون آمریکا نینگ عمومی تیکشیریش ادارهسی یا سیگار، ینگی گزارشی ده ایتیشیچه، سابق حکومت نینگ قوللش عامللریدن بیری، افغانستان پولیسی چیت ایللیکلر تامانیدن مسلکی تربیه کورمه گنلیگی ایدی.
اوشبو گزارش ده کیلیشیچه، پولیس اهالی امنیتینی تامینلش اورنیده، حکومتی رسمیلر خوفسیزلیگینی تامین قیلر ایدی، عینحالده یشاوچیلر گه ظلم قیلیب جامعه ده قانوننی یخشی تطبیق قیلمس ایدی، شونی اوچون بیر قطار کیشیلر تیزیمنی قوللب_قوتلش اورنیده اسلامی امارتدن حمایت قیلدیلر.
بیزلرنینگ فیسبوک صحیفهمیزگه باش اورینگ!
اونینگ ایتیشیچه: «پولیس تشکیلاتی ضعیف ایدی و دنیا جماعهچیلیگی پولیس بیلن همکارلیک قیلیش جریانیده، سابق شوروی خطاسینی تکرار قیلدی.»
عینحالده، ایش بیلرمانلر نینگ ایتیشلریچه، سابق تیزیم قوللش گه دنیا همجمعیت عیبدار ایدی، چونکه اولر پولیسنی اورگهتیش جریانیده کوپ خطالر گه یول قویدیلر.
پولیس سابق جنراللریدن ایگل سلیمانخیل، سیگار گزارشینی واقعی دیب ایتیشیچه، آمریکا و دنیا جماعهچیلیگی، سابق شوروی کبی پولیسلر نینگ تربیهسی و قانون تطبیق ایتیش بوییچه ایریم خطالر گه یول قویدیلر.
اونینگ ایتیشیچه، پولیس مسلکی و اساسی شکلده اورگهتیلیشی کیرهک ایدی، بیراق خارجیلر یالغیز اولرنی مصروف اسرهب و مسلکی اورگتمهدیلر و اساسی قیینچیلیک پولیس تشکیلاتی کملیگی که ایدی سلبی تاثیر قیلر ایدی.
ایش بیلرمانلردن باشقه بیری عبدالغفار گردیزی نینگ ایتیشیچه، سابق حکومت نینگ قوللش عامللری کوپ، لیکن سقوط ده خارجیلر رولی کوپ ایدی. اونینگ ایشانچی گه کوره، آمریکا و اتفاقچیلری مملکت ملی آست قورمهلرینی زمانهوی روشده تعمیرلمهی و فسادنی زواجلنتیردیلر.
بیزلرنینگ توییترده هم تعقیب قیلینگ!
اونگه کوره، سیگار موجود قیینچیلیک حلی اوچون سعی و حرکت قیلیشی کیرهک.
ایتیش کیرهک که آمریکا نینگ افغانستان اوچون عمومی تیکشیریش کمیتهسی یا سیگار ، انچه دن بویان افغانستان نینگ سابق تیزیمی قوللش سببینی تیکشیرماقده که سونگی گزارشی ده، مملکت نینگ قاچقینچی جمهور باشلیغی محمد اشرف غنی تامانیدن پول اوغیرلهنیش عیبلاولرنی رد قیلیب، بوتوغریده مدرک تاپه آلمهگنینی ایتگن.