افغانستان بوییچه آمریکا نینگ خاص تیکشیروچی اداره سی یا-ده سیگار، ینگی بیر گزارش ترقه‌تیب ایتیشیچه، اوتگن۳ آیده افغانستانده بشری بحران وخیم حالتی‌گه قالگن.
بیزلرنینگ فیسبوک صحیفه‌میزگه باش اورینگ!
گزارش‌ده کیلیشیچه، افغانستانده اسلامی امارت حاکم بولگن‌دن بویان انسان‌سیورلیک یاردملرگه احتیاجی بار کیشیلر نینگ سانی ۲۴.۴ میلیون کیشی‌گه کوپه‌یگن؛ بیراق بوندن آلدین نیازمند کیشیلر نینگ سانی ۱۸.۴ میلیون کیشی‌گه ییتیشه‌یدی.
سیگار نینگ ایتیشیچه، قتیق قورغاقچیلیکلر و اوکراین اوروشی افغانستانده آزیق-آوقات، یاقیلغی ماده و انسانی بحران وضعیتی یامانله‌شیشی‌گه سبب بولیشی ممکن. سیگار نینگ کوپه‌یتیریشیچه، حاضر افغانستان یشاوچیلریدن ۷۰ فایزی عایله‌لری نینگ دستلبکی نیازمندلیکلرینی تأمین قیلش‌گه قادر ایمس‌لر.
گزارش‌ده، خلق‌ارا آزیق-آوقات دستوریدن نقل قیلینیشیچه، افغانستان نینگ ۸.۲۲ میلیون آزیق- آوقاتگه احتیاجی بار یشاوچیلریدن، ۲۰۲۲- ییلده ۸ میلیون دن آرتیق کیشی شونینگدک قحطچیلیک تهدیدی آستیده قالگنلر.
عین‌حالده، بیرلشگن ملت‌لر تشکیلات باله‌لردن حمایت قیلوچی صندوقی و یا یونیسف نینگ ایتیشیچه، افغانستانده ۳. ۲ میلیون باله قتیق توییب آوقات‌لَنمس‌لیک کسل‌لیگی بیلن روپه‌ره دیرلر و تیزلیکده بو توغریده اقدام قیلینمه‌گه صورتده، ۲۰۲۲- ییلده بیر میلیون باله اولیم تهدیدی بیلن روپه‌ره بولیشی ممکن.
بیزلرنینگ توییترده هم تعقیب قیلینگ!
سیگار نینگ تأکیدن قیلیشیچه، افغانستانده انسانی بحران یامانلشگنی باعث، یشاوچیلردن قطاری بدن اعضالری و باله‌لرینی ساتیش اوچون مجبور بولگنلر.
گزارش اساسیده، خیریه نهادلر پیش بین‌لیک قیلگنلر، آزیق- آوقات تنقیص‌لیگی، قورغاقچیلیک و تورلی یوقمه کسل‌لیکلر افغانستانده کوپهیشی ممکن و بو وضعیت شهر حدودلریگه هم سلبی تأثیر قویه‌دی.
