بیرلشگن ملت‌لر تشکیلاتی نینگ باله‌لردن حمایت قیلووچی صندوقی یا-ده یونیسف نینگ خلق‌ارا رابطه‌لر مسئولی پالومه سکودرو نینگ ایتیشیچه، نیچه دهه اوروش، قوروق چیلیک و افغانستان اقتصادی قیین‌چیلیگی، باله‌لر اوچون نظیری کوریلمه‌گن انسانی بیر بحران گه سبب بولگن.
ینگی‌لیکده افغانستان گه سفر قیلگن پالومه سکودرو، توییتر صحیفه‌سیده یازگن که: «توییب اوقات‌لنمسلیک خطری گه دوچ کیلگن بیر میلیون افغان باله گه، قوتقریش درمان نینگ فراهم قیلیش زمانی ییتیب کیلگن.»
بیزلرنینگ توییترده هم تعقیب قیلینگ!
یونیسف خلق‌ارا رابطه‌لر مسئولی پکتیا کسل‌خانه‌سی نی کوریب و مذکور کسل‌خانه‌ده توییب اوقات‌لنمسلیککه چلینگن باله‌لری اوچون تیز یاردم‌لر نینگ کوتیب تورگن اونلرچه آنه بیلن ملاقات قیلگنی نی ایتگن.
اونینگ اورغولشیچه، یونیسف کمیده ۷۰ ییل‌دن بیری افغانستانده قیز و اوغیل اوچون ایشله‌گن و حاضر ایسه باشقه زمان گه قره‌گنده بو مملکت‌ده قالیب اوشبو مملکت‌دن حمایت قیله‌دی.
شونده‌ی بیرحالده، باش پناه ایزلاوچیلر بوییچه بیرلشگن ملت‌لر تشکیلاتی نینگ کمیشنری توییتر صحیفه‌سیده یازگن که، حاضر افغانستان یشاوچیلری نظیری کوریلمه‌گن درجه‌ده توییب اوقات‌لنمسلیک و ییمک ناتینچ‌لیگی بیلن روپه‌رو دیر و اوشبو بحراندن اینگ کوپ باله‌لر و عیال‌لر زیان کورگن.
شونینگدیک بوندن آلدین مذکور تشکیلات، افغانستانده باله‌لر و عیال‌لر وضعیتی‌دن خواطر بیلدیریب و اوشبو مملکت‌ده انسانی بحراندن اینگ کوپ عیال‌لر و باله لر زیان کورگنی نی ایتگن ایدی.
بیزلرنینگ فیسبوک صحیفه‌میزگه باش اورینگ!
باش پناه ایزلاوچیلر بوییچه بیرلشگن ملت‌لر تشکیلاتی نینگ عالی کمیشنری، افغانستانده باله‌لردن قطاری عایله‌لریدن حمایت قیلیش اوچون اویلریدن تشقی ایش و تیلینچی‌لیک قیله‌دیلر دیگن ایدی.
مذکور تشکیلات تاکید قیلگن ایدی که، افغانستان عیال‌لری و قیزلری قوللب-قوتله‌نیب و قوتقریش یاردم‌لر گه آسان‌لیک بیلن قول تاپیش‌لری اوچون شرایط یره‌تیلیشی کیره‌ک.
