اروپا اتفاقی نینگ تشقی سیاست مسئولی جوزپ بورل، اسلام امیرلیگی تامانیدن افغانستان ده ایچکی و خارجی نادولتی مؤسسهلرده عیاللر نینگ ایشی توختهتیلیشی نی قارهلگن.
جناب بورل بیر بیانیه آرقهلی ایتیشیچه، اروپا اتفاقی بو کبی قرارلر نی انسانلر نینگ اساسی حقلری نی انیق نقض قیلیش بیلهدی. اروپا اتفاقی تشقی سیاست مسئولی نینگ کوپهیتیریشیچه، اسلام امیرلیگی نینگ قرارلری عیاللر نی جماعهدن حذف قیلیش دیر.
بیزلرنینگ توییترده هم تعقیب قیلینگ!
جوزپ بورل نینگ بیانیهسیده کیلگن که، حاضر افغانستان ده ۳۰ میلیون کیشی حیاتده قالیش اوچون انسانپرورلیک یاردملر گه تیگیشلی بولگنی تخمین اوریلهدی و انسانپرورلیک یاردملر ارائه بولیشی و فایدهلی نیازلر تیکشیریلیشی، یاردم بیرووچیلر جملهدن مملکت بویلب عیاللر اوچون تینچ و توسیقلیک بولمسلیگی گه باغلیق دیر.
اروپا اتفاقی تشقی سیاست مسئولی نینگ اورغولشیچه، عیاللر گه یاردم ارائه بولیشی خصوصیده عیاللر نینگ اونملی رولی بار. اونگه کوره، بو کبی حیاتی ایشلرده عیاللر نینگ شرکت قیلیشی خصوصیده چیکلاو یرهتیش، جماعه نینگ بویوک بولیمی اینیقسه بیوه عیاللر، عیاللر رهبرلیگیدهگی عایلهلر و بالهلر نینگ یاردمدن محروم بولیشی گه سبب بولهدی.
جوزپ بورل نینگ کوپهیتیریشیچه، اروپا اتفاقی افغانستان اهالی گه اساسی نیازلر و انسانپرورلیک یاردملر تامین قیلووچی صفتیده، اوشبو چیکلاو نی جدی شکلده قارهلب و اسلام امیرلیگیدن تیزلیک بیلن اوشبو قراری نینگ لغو قیلینیشی نی ایستهگن.
اروپا اتفاقی تشقی سیاست مسئولی نینگ اورغولشیچه، اروپا اتفاقی، بیر قطار یاردم بیرووچی نهادلر بیلن عیاللر ایشی توختهتیلیشی، خلقارا تشکیلاتلر و مملکتلر بیلن اسلام امیرلیگی تعاملی خصوصیده نیمه عاقبتلری بولیشی نی تیکشیریشلری نی ایستهگن.
عینحالده شنبه کیچه، ۳جدی، اقتصاد وزیرلیگی ترقهتگن مکتوبی ده، ایچکی و خارجی نادولتی مؤسسهلرده عیال ایشلاوچیلر نینگ ایشلرینی توختهتدی. اوشبو مکتوب ده کیلیشیچه، نادولتی مؤسسهلرده عیاللر تامانیدن اسلام امیرلیگی نینگ قانون_قاعدهلری رعایت ایتیلمسلیگی خصوصیده کوپ شکایتلر بولگن.
بیزلرنینگ فیسبوک صحیفهمیزگه باش اورینگ!
اقتصاد وزیرلیگی مذکور مکتوبی ده، مسئولیتینی ادا قیلیش مقصدیده، ایچکی و خارجی نادولتی مؤسسهلر گه، کیینگی امرگچه عیال خادملری نینگ ایشینی توختهتیش بویروغینی بیرگنینی ایتگن. مذکور وزیرلیک، اوشبو دستور برابریده بیفرق بولگن ادارهلر نینگ فعالیت جوازی لغو بولیشیدن آگاهلنتیرگن.
نادولتی مؤسسهلرده خاتینلر نینگ ایشی توختهتیلیشی گه دایر اسلام امیرلیگی نینگ قراری، ایچکی و خلقارا مناسبتلر گه روپهره بولگن و حاضرگچه، افغانستان ده کمیده تورت خلقارا نهاد فعالیتلری نینگ توختهتگنلریدن خبر بیرگنلر.