افغانستان ده ایچکی و خارجی نادولتی مؤسسه‌لرده عیال ایشلاوچیلر ایشی توخته‌تیلیشی اساسیده‌گی اسلام امیر‌لیگی نینگ ینگی قراری گه قرشی عکس‌العمل‌لر دوامی‌ده، افغانستان ده بیرلشگن ملت‌لر تشکیلاتی نینگ اورین‌باسرلیک هیئت دفتری (یوناما)، اوشبو قرار گه قرشی عکس‌العمل کورستیب و اونینگ عیاللر حیاتی رولینی اعتبارسیز قیلیش دیگن.
افغانستان ده بیرلشگن ملت‌لر تشکیلاتی نینگ باش کاتبی خاص نماینده اورین باسری رامز الاکبروف، شنبه کیچه ۳ جدی بیر تویت آرقه‌لی اسلام امیر‌لیگی نینگ اوشبو قراریدن خواطر بیلدیرگن.
بیزلرنینگ توییترده هم تعقیب قیلینگ!
الاکبروف گه کوره، ایچکی و خارجی نادولتی مؤسسه‌لرده عیال ایشلاوچیلر ایشی توخته‌تیلیشی اساسیده‌گی اسلام امیر‌لیگی نینگ ینگی قراری، حیات نینگ برچه ساحه‌لریده عیاللر نینگ حیاتی حق‌لری نی بیللی نقضی دیر.
عین حالده، اقتصاد وزیرلیگی شنبه کیچه ۳-جدی، بیر مکتوب ترقه‌تیش بیلن ایچکی و خارجی نادولتی مؤسسه‌لرده عیال ایشلاوچیلر ایشی نی توخته‌تگن. مذکور مکتوب‌ده نادولتی یازیلگن موسسه‌لر عنوانی‌ده کیلگن که، سونگی کون‌لرده نادولتی موسسه‌لرده عیاللر تامانیدن حجاب و شونینگدیک اسلام امیر‌لیگی نینگ قانون-قاعده‌لری رعایت بولمه‌گنی خصوصیده‌گی شکایت‌لر قید ایتیلگن.
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی مذکور مکتوب‌ده کوپه‌یتیرگن که، اوز مسئولیتی نی انجام بیریش مقصدی‌ده بوتون ایچکی و خارجی نادولتی مؤسسه‌لر گه عیال ایشلاوچیلری نینگ ایشینی کیینگی امرگچه توخته‌تیش بویروغینی بیرگن مذکور وزیرلیک تامانیدن فعالیت جوازی بیریلگن مؤسسه‌لر بوتوغریده دقت قیلمه‌گن تقدیرده، متخلف موسسه‌لر جوازی نینگ لغو بولینیشی خصوصیده آگاه‌لنتیرگن.
ایچکی و خارجی نادولتی موسسه‌لرده عیاللر ایشی توخته‌تیلیشی اساسیده‌گی اسلام امیر‌لیگی نینگ ینگی قراری، ایچکی و تشقی عکس‌العمل‌لر بیلن روپه‌ره بولگن.
