خلق‌ارا قرتقریش کمیته (IRC)، انسانی فاجعه بیلن روپه‌ره بولگن ییگیرمه مملکت حقیده بیر گزارش ترقه‌تیب ایتیشیچه، افغانستان سومالی و اتیوپی‌دن کیین مذکور فاجعه بیلن روپه‌ره بولگن اوچینچی مملکت دیر.
افغانستان ده دنیا جماعه تامانیدن قریب ایکی میلیارد دالر یاردم بیریلگنی بیرحالده، بیراق ینه هم اوشبو مملکت انسانی فاجعه بیلن روپه‌ره بولگن اوچینچی مملکت دیر.
شونده‌ی بیرحالده، اقتصادی ایش بلیرمان بهیر زلاند نینگ ایتیشیچه، دنیا جماعه نینگ یاردمی افغانستان ده‌گی اقتصادی قیین‌چیلیک نی کامل شکلده حل قیلمه‌یدی و اوشبو مملکت‌ده قشاق‌لیک گرافی نی پس‌گه توشیریش اوچون اوزون مدت‌لی اقتصادی طرح‌لر نینگ قولگه آلینیشی کیره‌ک.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندار گه ایتیشیچه: «افغانستان ده صورت تاپگن یاردم‌لر مستحق‌لر نینگ تانیلمس‌دن انجام تاپگن و مذکور یاردم‌لر یالغیز کون نیازلری نی حل قیلیش اوچون دیر و اقتصادی اساسی قیین‌چیلیک‌لر اوچون فایده‌لی ایمس.»
باشقه بیر تامان‌دن، خلق‌ارا سیاسی اقتصاد مسئله‌لر بیلرمانی نظیر‌احمد رزاقی نینگ ایتیشیچه، خلق‌ارا قدرت‌لر گه افغانستان اقتصادی نینگ باغلیگی و اقتصادی آستقورمه‌لر گه توجه‌سیزلیک، مذکور مملکت‌ده قشاق‌لیک گرافی نینگ یوقاری کیتیشی گه سبب بولگن و شونینگدیک دنیا جماعه نینگ یاردم‌لری اوزون مدت‌لی قشاق‌لیک نینگ اورته‌دن کیتکزیشی خصوصیده فایده‌سیز دیر.
اونینگ کوپه‌یتیریشیچه: «افغانستان تاریخی گه نظر تشلگنی‌میز پیتده، عبدالرحمان خان نینگ زمانی‌دن حاضرگچه، اوشبو مملکت دنیا نینگ قدرت‌مند‌لری نینگ یاردمی گه نیازمند دیر و اوشبو یاردم‌لر کون نیازلری گه اختصاص تاپه‌دی و دایمی فایده‌سی یوق.»
بیزلرنینگ توییترده هم تعقیب قیلینگ!
شونده‌ی بیرحالده، اسلام امیرلیگی سوزلاوچی اورین‌باسلریدن بلال کریمی، افغانستان ده‌گی اقتصادی قیین‌چیلیک نی تصدیق‌لب بیراق ایتیشیچه، دنیا جماعه نینگ خواطری و اوشبو نهاد‌لر نینگ آماری اوشبو مملکت‌ده‌گی موجود حقیقت‌لر اساسیده ایمس.
جناب کریمی نینگ ایتیشیچه: «حقیقت شو که افغانستان ده اقتصادی قیین‌چیلیک بار و تورت دهه اوروش، قوروق‌چیلیک قیین‌چیلیک‌لری و کرونا اقتصادی قیین‌چیلیک نینگ عاملی دیر و اسلام امیرلیگی بویوک پروژه‌لر نی قولگه آلگن که اونینگ اساسیده، یشاوچیلردن کوپ قطاری نینگ شغل‌لنیشی ممکن.»
ایتیش کیره‌ک که، اسلام امیرلیگی نینگ قدرت گه ایریشگنی بیلن، افغانستانده اقتصادی قیین‌چیلیک کوپه‌یگن و دنیا جماعه نینگ یاردم‌لری هم اوشبو مملکت نی اقتصادی قیین‌چیلیک‌دن چیقره آلمه‌گن.
