خلقارا قوتقریش کمیته افغانستان ده بشری وضعیت خصوصیده خواطر بیلدیرگن. اوتگن کون خلقارا قوتقریش کمیته اوز وبسایتی گه یازگن که، اسلامی امارت نینگ قدرت گه ایریشگنیدن کیین، افغانستانده اقتصادی بحران اورته گه کیلگن.
مذکور کمیته نینگ یازیشیچه، افغانستانده اقتصادی بحران ۲۰ میلیون کیشی نینگ حیاتی نی تهدید قیلگنی بیرحالده، انساندوستلیک یاردملر گه نیازمند بولگن افغانلر نینگ سانی ۳۳ فایزدن کوپهیگن دیر.
بیزلرنینگ فیسبوک صحیفهمیزگه باش اورینگ!
خلقارا قوتقریش کمیته نینگ ایتیشیچه: «افغانستان جمعیتیدن ۴۳ فایزی یالغیز بیر وقت نان ییهدی، دستلبکی مادهلر نینگ یوقاری کیتیشی عایلهلر نینگ یامان بیر وضعیتده قرار بیرگن و بالهلر نینگ تورموش اورتاققه بیریش، بالهلر نینگ آغیر و قیین ایش قیلیشلری و شونینگدیک بدن اعضالری نینگ ساتیش، اهالی آرهسیده کوپهیماقده دیر.»
شوندهی بیرحالده، اقتصاد وزیرلیگی نینگ ایتیشیچه، مملکت یشاوچیلری نینگ وضعیتی یخشیلنیشی اوچون بیر قطار طرحلر نی قولگه آلگنلر.
اقتصاد وزیرلیگی سوزلاوچیسی عبدالرحمن نینگ سلاموطندار گه ایتیشیچه: «اهالی گه ایش و یخشی ییمک تیارلش اوچون، کیچیک سوداگرلیکلر گه اولیت بیرهمیز. تشقی یاردملر نی جذب قیلیش و شونینگدیک انسان دوستلیک یاردملردنحمایت قیلیش اوچون برنامهلریمیز بار.»
باشقه بیر تاماندن، اقتصادی ایش بیرلرمانلر نینگ ایتیشلریچه، اقتصادی وضعیت نینگ یخشیلنیشی اوچون درست پالیسی نینگ یوقلیگی باعث، مملکتده اقتصادی بحران ایجاد بولگن دیر.
اقتصادی ایش بیرلرمانلر مملکتده اقتصادی بحران نینگ دوامیدن اورته گه کیلگن قیینچیلیکلر خصوصیده آگاهلنتیریب و ایتیشلریچه، اقتصادی بحران نینگ کوپهیشی، اقتصادی تنزل نینگ اورته گه کیلتیریشی ممکن.
بیزلرنینگ توییترده هم تعقیب قیلینگ!
اقتصادی ایش بیلرمانلردن ایرج فقیری نینگ ایتیشیچه: «درست و مناسب سوداگرلیک یوقلیگی باعث، مملکتده دستلبکی مادهلر بهاسی یوقاری کیتماقده.»
اسلامی امارت نینگ قدرت گه ایریشگنیدن کیین، مرکزی بانک ذخیرهلریدن ۹.۵ میلیارد دالر آمریکا تامانیدن باغلنیب و شونینگدیک انساندوستلیک یاردملر کمهیگنی یا-ده توختهگنی بیرحالده، افغانستان ده اقتصادی بحران خصوصیده خواطرلر بیان بولگن.