سابق حکومت ده ملی پولیس صفیده ایشلهگنلردن بیری گه کوره، کابل ده خصوصی بیلیم یورتلردن بیری و اکادمی پولیس دن لیسانس درجه ده ایکی سندی بار، حاضر ایران ده آغیر ایشلر بیلن حیات کیچیرماقده.
او ییللر بویلب افغانستان یشاوچیلری نینگ خوفسیزلیگی اوچون کیچه_کوندوز تینمسدن تلاش قیلگن، حاضر اوزی و عایله اعضالری نینگ خرجتینی تأمینلش مقصدیده ۱۲ ساعت ایشلش گه مجبور دیر.
ایران ده افغانستانلیک مذکور حربی برچه قیینچیلیکلر گه قرهمسدن، کیچیک فرزندینی تعلیمی مرکزلردن بیری گه شامل قیلیش اوچون تلاش قیلماقده؛ لیکن ایران گه عایله اعضالری بیلن ناقانونی باریب و او ییرده تیریکچیلیک قیلیش اوچون قانونی مدرکی یوقلیگی باعث، ایران ده هیچ بیر مکتب فرزندینی قبول قیلمهگن.
اوشبو حربی، کیملیگی سر قالیش شرطی بیلن سلاموطندار گه ایتیشیچه: «کوپ قیین دیر، حربی وظیفه نی ترک قیلسم تهدید یوق دیدیم، کیین ایسه رساملیک و نقاشلیک بیر ایشخانه توزهتدیم. حتا شونی هم قویمهدیلر.»
افغانستانلیک مذکور سابق حربی، جمهوریت قولهشیدن کیین رساملیک هنرینی اورگهتیش بیلن مصروف بولهدی؛ اما نیچه آی اوتیشی بیلن ایش شرایطی اونگه تارلیک قیلیب و حیاتی دوامی اوچون مهاجرت یولینی تنلهیدی.
بیزلرنینگ فیسبوک صحیفهمیزگه باش اورینگ!
او غربت دهگی قیینچیلیکلردن نالیب ایتیشیچه، افغانستان یشاوچیلریدن بیری اونینگ الدهب آلمان ده یولگه قوییلگن کورگزمه ده، او چیزگن اثرلرنی اوز آتیده نمایش گه قویگن.
شونینگدیک، جمهوریت قولهشیدن کیین ایران گه مهاجر بولگن سابق حکومت حربیلریدن بیر قطاری، مهاجرت قیینچیلیکلریدن شکایت قیلهدیلر.
حاضر ایران ده، سابق حکومت ده افغان حربیلریدن عبدالمعروف نینگ ایتیشیچه: «ایران ده افغانستان سابق حکومتی حربیلری، انشاآت و تحصیل قیلگن و کدر کیشیلر گه مناسب بولمهگن بیر ایشنی قیلهدیلر و تأسف بیلن اوتگن بیر ییل ده ایران حکومتی یا باشقه ارگانلر تامانیدن بیزلر گه دقت قیلینمهگن.»
گرچند، ایران ده افغانستان سابق حربیلریدن بیرقطاری گه باشقه مهاجرلر کبی ایران حکومتی تامانیدن اقامت توزیع بولگن؛ بیراق بو ایش اولر نینگ قیینچیلیکلری حلی اوچون ییترلی ایمس.
حربیلردن قطاری گه کوره، نیچه مراتبه قیینچیلیکلری حلی اوچون بیرلشگن ملتلر تشکیلاتی نینگ دفترلری گه مراجعت قیلیشگن؛ اما حاضرگچه هیچ بیر نهاد اولر نینگ بو خواستی گه دقت قیلمهگن.
سابق حکومت ده حربیلردن باشقه بیری حاجی حفیظالله کاریزی نینگ ایتیشیچه: «بیرلشگن ملتلر تشکیلاتی نینگ دفتری گه مراجعت قیلدیک، یاردم بیریشنی ایتدیلر، بیراق یاردم بیرمهدیلر و برچه حربیلر قیینچیلیک بیلن دوچ دیر.»
افغانستان ده حیات قیینچیلیکلری اوچون ایران بارگن نظامیلر نینگ ایتیشلریچه، افغانستان دن ترقه لهیاتگن خبرلرنی ایشیتیش بیلن، مملکت گه قیتیش امیدلرینی قولدن بیریشهدی.
شو بیلن بیرگه، حربی ایش بیلرمانلر، مملکت خوفسیزلیگی تأمین ایتیلیشی اوچون، اسلام امیرلیگی نینگ امنیتی کوچلر صفیده سابق حکومت حربیلری آلینیشینی، اونملی عنوان قیلهدیلر.
بیزلرنینگ توییترده هم تعقیب قیلینگ!
حربی ایش بیلرمان اسدالله ندیم گه کوره: «سابق حربیلر مسلکی کیشیلر دیر، اولر مسلکی کوچ گه ایگه، حکومت اوزگریشی بیلن اولر اونیتیلمسلیگی کیرهک، ملکی و نظامیلر چیتده قالدیریلسه، در حقیقت حکومت ساختاری نقص کورهدی.»
جمهوریت توزومی قولشی بیلن، سابق حکومت حربیلریدن بیرقطاری، قولگه آلینیش، اولدیریش یا ده ایشسیزلیک دن قورقیب، ایران، قوشنی و منطقه مملکتلر گه مهاجر بولگنلر که اولردن بیرقطاری قیین احوال ده تیریکچیلیک قیلماقدهلر.