اسلامی امارت سوزلاوچیسی ذبیح‌الله مجاهد، سابق حکومت حربی‌لری نینگ اوغیرلنیشی و اولدیریلیشی حقیده‌گی نیویورک تایمز نینگ گزارشی نی رد قیلیب و اونی «مغرضانه» و ناتوغری دیگن.
جناب مجاهد چهارشنبه کونی شام چاغی، ۲۴-حمل توییتر صحیفه‌سیده یازگن که، اسلامی امارت عمومی کیچیریم اعلان قیلگن و اسلامی امارت کوچلری نینگ هیچ بیری انتقام آلیش گه حقی یوق.
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچیسی نیویورک تایمز گزارشی نی رد قیلیب یازگن که، اوشبو کونده‌لیک شونده‌ی بی اساس گزارشلری بیلن افغان‌لر آره‌سیده، دشمن‌لیک ایجاد قیلیش اوچون سعی و حرکت قیلگن.
شونده‌ی بیرحالده، نیویورک تایمز کونده‌لیگی نینگ ترقه‌تیلگن ینگی تحقیقی گزارشی‌ده، اسلامی امارت نینگ باش ۶ جریانیده سابق دولت خوفسیزلیک کوچلری نینگ اعضاسی و ایشلاوچیلریدن ۵۰۰ کیشی نی اوغیرلنگنی یا_ده اولدیریلگنی نی کورسته‌دی.
گزارش‌ده کیلگن که، اسلامی امارت تامانیدن عمومی کیچیریم، «یالغان بیر ادعا» دیر و سابق حکومت حربی‌لری نینگ توزاققه تشله‌ش و بهانه صفتیده قوللنگن. گزارش‌دن نقل قیلینیشیچه، سابق دولت ایشلاوچیلری و حربی‌لری‌دن قصاص آلیش هجوملر، هدف‌لی شکلده انجام بولیب و کورگزمه‌لی عمومی کیچیریم ایسه غربی مملکت‌لر نینگ حمایتی و مالی یاردملری نینگ کسب قیلیش مقصدیده ایکن.
بیزلرنینگ توییترده هم تعقیب قیلینگ!
نیویورک تایمز نینگ ایتیشیچه، اسلامی امارت قدرت گه ایریشگنیدن کیین، سابق حکومت حربی‌لری نی قولگه آلیب، «کلتک‌لب و اوندن کیین، اوققه توتیب یا_ده باش‌لری نی کیسیب اولدیرر ایکنلر.»
۳۲ ولایت‌دن معلومات توپلنگن گزارش اساسیده، اسلامی امارت سابق حکومت ایشلاوچیلری و حربی‌لری نینگ یوقالیشی و اولیمی گه قولی بار که بو آره‌ده یالغیز بغلان ولایتیده باش ۶ آیده ۸۶ سابق حربی، اسلامی امارت کوچلری تامانیدن اولدیریلگن. شونینگدیک اجباری یاقالیش/اوغیرلنیش حادثه‌لردن کوپ قطاری قندهارده ثبت بولگن.
