کابل ده جرمنی ایلچی‌خانه‌سی، شنبه کیچه ۳-جدی، بیر تویت آرقه‌لی افغانستان ده ایچکی و خارجی نادولتی مؤسسه‌لرده عیال ایشلاوچیلر ایشی توخته‌تیلیشی اساسیده‌گی اسلام امیرلیگی نینگ ینگی قراری گه قرشی عکس‌العمل کورستیب و اوشبو بویروغ نی ظالمانه دیگن.
مذکور ایلچی‌خانه، اوشبو تشکیلات گه ایشلش گه قره‌م بولگن کیشی‌لر شامل نادولتی موسسه‌لرده عیال‌لر ایشی توخته‌تیلیشی خصوصیده اسلام امیرلیگی نینگ ینگی اقدامی نی، ظالمانه دیگن.
کابل ده جرمنی ایلچی‌خانه‌سی گه کوره، اسلام امیرلیگی نینگ اوشبو قراری‌دن زیان کوره‌دیگن کیشی‌لر، جمعیت نینگ اینگ ضعیف و اینگ کمبغل قشری دیر.
بیزلرنینگ توییترده هم تعقیب قیلینگ!
عین حالده، اقتصاد وزیرلیگی شنبه کیچه ۳-جدی، بیر مکتوب ترقه‌تیش بیلن ایچکی و خارجی نادولتی مؤسسه‌لرده عیال ایشلاوچیلر ایشی نی توخته‌تگن.
مذکور مکتوب‌ده نادولتی یازیلگن موسسه‌لر عنوانی‌ده کیلگن که، سونگی کون‌لرده نادولتی موسسه‌لرده عیال‌لر تامانیدن حجاب و شونینگدیک اسلام امیرلیگی نینگ قانون-قاعده‌لری رعایت بولمه‌گنی خصوصیده‌گی شکایت‌لر قید ایتیلگن.
اقتصاد وزیرلیگی مذکور مکتوب‌ده کوپه‌یتیرگن که، اوز مسئولیتی نی انجام بیریش مقصدی‌ده بوتون ایچکی و خارجی نادولتی مؤسسه‌لر گه عیال ایشلاوچیلری نینگ ایشینی کیینگی امرگچه توخته‌تیش بویروغینی بیرگن مذکور وزیرلیک تامانیدن فعالیت جوازی بیریلگن مؤسسه‌لر بوتوغریده دقت قیلمه‌گن تقدیرده، متخلف موسسه‌لر جوازی نینگ لغو بولینیشی خصوصیده آگاه‌لنتیرگن.
ایچکی و خارجی نادولتی موسسه‌لرده عیال‌لر ایشی توخته‌تیلیشی اساسیده‌گی اسلام امیرلیگی نینگ ینگی قراری، ایچکی و تشقی عکس‌العمل‌لر بیلن روپه‌ره بولگن.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی نینگ انسانپرورلیک یاردم‌لر هماهنگ قیلووچی دفتری (اوچا)، اوتگن کیچه اوشبو قرار گه قرشی عکس‌العمل کورستیب و اونی قاره‌لگن.
اوچا بیر خبرنامه ترقه‌تیب ایتیشیچه، افغانستان ده‌گی شریک‌لری و بیرلشگن ملتلر تشکیلاتی گه تیگیشلی نهادلری، ایچکی و خارجی نادولتی مؤسسه‌لرده عیال ایشلاوچیلر ایشی توخته‌تیلیشی اساسیده‌گی اسلام امیرلیگی نینگ ینگی قراری نی قاره‌له‌یدیلر.
خبرنامه‌ده کیلگن که: «بو کبی بویروغ عیال‌لر نینگ اساسی حق‌لری نی نقض قیله‌دی و انسان‌دوست‌لیک قاعده‌لر گه قرشی دیر.»
ایتیش کیره‌ک که، اسلام امیرلیگی قدرت گه ایریشگنیدن بویان، عیال‌لر نی دولتی اداره‌لرده ایش قیلیش‌دن محروم قیلگن. اوشبو حکومت ینگی‌لیکده مملکت بیلیم یورت‌لریده قیز طلبه‌لر تحصیلی نی هم کیینگی امرگچه تعلیق حالتی گه کیلتیرگن.
