مملکت بویلب یېتکرمه‌لر ایریم قیینچیلیک‌لر اېنیقسه اقتصادی قیینچیلیک، ایش مصونیتی یوق‌لیگی و یېتکرمه‌لر قانونی یوق‌لیگی بیلن فعالیت قیلماقده اېکن، ینگی‌لیکده خوست ولایتی‌ده اسلام امیرلیگی نینگ محلی رسمی‌لری یېتکرمه‌لر فعالیتی گه چېکلاو یره‌تگن.
خوست امنیه قوماندانلیگی، اوشبو ولایت نینگ معلومات و مدنیت ریاستی گه مکتوب یوللب و عیاللر نینگ رادیو دستورلر گه تیلیفون قیلیش‌لری گه توسیق بولیشینی سۉره‌گن.
اوشبو مکتوب ده اخلاقی فساد آلدی آلینیشی مقصدیده بو قرار آلینگنی قید ایتیلگن.
بیزلرنینگ فیسبوک صحیفه‌میزگه باش اورینگ!
خوست ولایتی امنیه قوماندانلیگی نینگ مکتوبی بیر بولیمی‌ده کیلیشیچه: «افغانستان اېنیقسه خوست ولایتی اسلامی، فرهنگی و پشتون اهالیسی بولگن ولایت دیر، بو کبی تیلیفونی قونغیراق‌لر بیر تاماندن جمعیت نی فساد گه سوق بیریب وباشقه تاماندن اسلام قدریت‌لری گه قرشی دیر. شونی اوچون ملت نینگ ناموس و عزتی قوروقلنیشی کېره‌ک و عیاللر نینگ هر قنده‌ی دستور گه قونغیراغی تقیق‌لنشی لازم.»
برچه‌سی بیلن، خوست ولایتی‌ده رادیولر نینگ فعالیتی گه یره‌تیلگن ینگی چېکلاولر، مملکت ده خبرچیلر و فعاللر نینگ خواطری گه سبب بولگن.
خبرچیلر سۉنگی ایکّی یریم ییل ایچیده اسلام امیرلیگی تامانیدن یېتکرمه‌لر گه یره‌تیلگن چېکلاولردن خواطر بیلدیریب ایتیشلریچه، بو مسئله اولر نینگ کیله‌جک‌لری گه امیدوار بولمسلیکّه سبب بولگن.
خبرچی‌لردن گیتا رشیدزاده نینگ ایتیشیچه: «یېتکرمه ساحه‌سیده برچه اېنیقسه عیاللر نینگ خواطری گه سبب بولگن بو چېکلاو بیر قنچه عیاللر نینگ منزوی بولیشی گه سبب بولیب و اولرنی روحی قیینچیلیک بیلن دوچ قیلیشی ممکن.»
بیزلرنینگ «ایکس» ترماغی ده هم تعقیب قیلینگ!
خبرچی‌لردن باشقه بیری سید بلال‌الدن صیاد گه کوره: «بو جریان دوامی اېرکین سوز، یېتکرمه‌لر و خبرچیلر نینگ آزادلیگی اۉستیگه سلبی تاثیر قیله‌دی.»
سلام‌وطندار اوشبو چېکلاولر قنده‌ی‌لیگی خصوصیده سرپرست حکومت معلومات و مدنیت وزیرلیگی مسئوللری نینگ فکر-ملاحظه‌سینی اۉرگه‌نیش اوچون کوپ تلاش قیلدی؛ لېکن بو وزیرلیک مسئوللری بوتوغریده جواب قیترمه‌دیلر.
عین‌حالده، اسلام امیرلیگی ایچکی ایشلر وزیرلیگی سۉزلاوچیسی عبدالمتین قانع، بو موضوع جدی شکلده تېکشیریلیشی‌دن ایشانچ بیره‌دی.
قانع نینگ خبرچیلر گه ایتیشیچه: «ایتگن معمالرینگیز اۉتگن کون بیز گه ییتیب کېلدی، بوتوغریده تحقیق قیلماقده‌میز و بو موضوع تېکشیریلماقده، اېرکین سۉز اسلام قدریت‌لری و مملکت ملی منفعت‌لری اساسیده هېچ قچان مختل بولمسلیگی‌دن ایشانچ بیره‌من.»
عین‌حالده، اۉتگن هفته قندهار حاکمی اوشبو ولایت نینگ برچه دولت اداره‌لری و نهادلری گه رسمی مکتوب یوللب، رسمی و نا رسمی ییغیلیش‌لردن صورت و ویدیو آلینیشنی تقیق‌له‌دی.
