مملکت بویلب دولتی و خصوصی برچه بیلیم یورت‌لر گه، طلبه قیزلر نینگ اوقیشینی «تعطیل» قیلیش اساسیده‌گی اسلام امیرلیگی نینگ قراری گه قرشی عکس‌العمل‌لر دوامی‌ده، ایران‌لیک سنی عالم اسلام امیر‌لیگی‌دن، قیزلر گه امکان قدر تحصیل شرایطی یره‌تیلیشی نی ایسته‌گن.
او جمعه کونی ۲-جدی تحصیل حقی افغانستان اهالی‌سی نینگ ایسته‌گی بولگنی گه اشاره قیلیب، اورغولشیچه: «اهالی نینگ اصلی سرمایه‌سی و انسانی کوچ دیر. انسان‌لر نینگ تربیت بولیشی کیره‌ک که، بو یول آرقه‌لی مملکت‌لری نی توزه‌تسین‌لر.»
بیزلرنینگ فیسبوک صحیفه‌میزگه باش اورینگ!
جمعه نمازی نینگ خطبه‌سیده مولوی عبدالحمید نینگ کوپه‌یتیریشیچه: «برچه مسلمان و اسلام دنیا‌سی نینگ عالم‌لری سیزلر [اسلام امیرلیگی]دن عیاللر گه تحصیل زمینه‌سی یره‌تیلیشی نی ایسته‌یدی. علم خصوصیده عیال و ایرکک مسئله‌سی یوق.»
عین‌حالده عالی اوقوو وزیرلیگی، طلبه قیزلر نینگ تعلیمینی «کیینگی امرگچه» توخته‌تگن. مذکور وزیرلیک سه‌شنبه کونی، ۲۹ قوس، بیر مکتوب آرقه‌لی دولتی و خصوصی برچه بیلیم یورت‌لر گه، طلبه قیزلر نینگ اوقیشینی «تعطیل» قیلیش بویروغینی بیرگن.
بیزلرنینگ توییترده هم تعقیب قیلینگ!
طلبه قیزلر نینگ تعلیمی توخته‌تیلیش قراری، ملی و خلق‌ارا مناسبت‌لر بیلن روپه‌ره بولگن.
اسلامی مملکت‌لردن قطاری، جمله‌‌دن سعودی عربستان، اندونزیا و پاکستان هم خلق‌ارا نهاد‌لر و مملکت‌لر یانیده، اسلام امیرلیگی نینگ اوشبو قراری نی قاره‌لگنلر.
