کابل ده ایران ایلچیخانهسی ۱۰-ثور، دوشنبه کیچه، هرات ده نماز اوقووچیلر گه اۉیوشتیریلگن قوراللی هجوم نی قاره له‌گن. اوشبو ایلچی‌خانه بوگون بامداد چاغی ایکس اجتماعی ترماغی‌ده، تهران تروریزم گه قرشی کوره‌ش اوچون افغانستان سرپرست حکومتی بیلن همکارلیک قیلیش گه تیار دیب یازگن.
کابل ده ایران ایلچیخانهسی نینگ یازیشیچه: «ایران ایلچیخانهسی هرات ولایتی گذره تومنی امام زمان (عج) مسجدی ده اۉیوشتیریلگن تروریستی حادثه که نماز اوقووچیلر نینگ اولیب و یره‌لنیشی گه سبب بولدی قاره‌له‌یدی، بو جنایت عامل‌لری قولگه آلینیب و جزالنتیریلیشینی اېسته‌یدی و تروریزم گه قرشی کوره‌ش خصوصیده افغانستان سرپرست حکومتی بیلن همکارلیک قیلیش گه تیارلیگینی بیلدیره‌دی.»
بیزلرنینگ فیسبوک صحیفه‌میزگه باش اورینگ!
ایتیش کېره‌ک، هرات ده نماز اوقووچیلر گه ناتانیش بیر قوراللی کیشی نینگ هجومی عاقبتیده آلتی کیشی هلاک بولیب و باشقه بیر کیشی یره‌لنگن. ایچکی ایشلر وزیرلیگی سۉزلاوچیسی عبدالمتین قانع، اوشبو واقعه اۉتگن کیچه ساعت ۹:۰۰ اطرافی‌ده، هرات ولایتی گذره تومنی «شهرک» منطقه‌سیده یوز بیرگن.
اونگه کوره: «افسوس بیلن هرات ولایتی گذره تومنی شهرک منطقه‌سیده کیچه ساعت ۹:۰۰ اطرافی‌ده، ناتانیش بیر قوراللی کیشی نماز اوقووچیلرنی اوققه توتیب نتیجه ده آلتی کیشی شهید و باشقه بیر کیشی یره‌لنگن.»
بیزلرنینگ «ایکس» ترماغی ده هم تعقیب قیلینگ!
ایچکی ایشلر وزیرلیگی سۉزلاوچیسی، بوتوغریده کوپ ایضاح کېریتمه‌گن بولسه ده، بیراق واقعه گه دایر به تفصیل معلومات یېتکرمه‌لر بیلن شریک قیلینیشینی اېتگن.
اوشبو قوراللی هجوم مسئولیتینی حاضرگچه هېچ کیم یا ده گروه تن آلمه‌گن. ایتیش کېره‌ک، بوندن آلدین هرات ده خوددی شونده‌ی واقعه‌لر یوز بیرگن و بو هجوم‌لر مسئولیتینی کوپراق داعش گروهی تن آلگن.
