اوتگن کون قندهار نینگ بیرینچی ناحیه‌سیده امام‌بارگاه فاطمیه مسجدی نینگ نمازگزارلری آره‌سیده اوچ پارتلش یوز بیردی که نتیجه‌ده، ۶۲ کیشی هلاک و کمیده باشقه ۷۰ کیشی ایسه یره‌لندی.
اجتماعی ترماقلر ایشلاوچی‌لریدن قطاری مذکور هجوم گه عکس‌العمل کورسه‌تیب و اونینگ نسل اولدیریش گه ماس دیب و ایتیش‌لریچه، بونده‌ی هجوملر توخته‌تیلیشی کیره‌ک.
بیرلشگن ملتلر تشکیلاتی بیر اعلامیه آرقه‌لی بو هجومی نی قاره‌لش بیلن اورغولشیچه، بو هجوم عامل‌لری و حمایتچی‌لری محکمه قیلینیشی کیره‌ک. بو تشکیلات دنیا تینچلیگی و خوفسیزلیگی گه تهدیدلر دوام تاپیشی توغریسیده خواطر بیلدیرگن.
شونینگدیک آمریکا تشقی ایشلر وزیرلیگی، قندهار ده شیعه‌لر مسجدی و نمازگزارلر هجوم گه دوچ کیلگنی نی قاره‌لب و ایتیشیچه، افغانستان اهالیسی نینگ تینچلیک و آسایشته‌لیککه حیات کیچیریش گه حقی بار.
بیزلرنینگ فیسبوک صحیفه‌میزگه باش اورینگ!
شونینگدیک روسیه تشقی ایشلر وزیرلیگی نینگ اورغولشیچه، بونده‌ی هجوم‌لرنی ریجه‌لنتیرووچی‌لری مذهبی قره‌مه قرشیلیکلر و ایچکی آتیشمه‌لرنی شدت‌لنتیریش ایسته‌یدی.
ایش بیلرمان‌لردن قطاری نینگ ایشانچ‌لریگه کوره، داعش گروهی باشقه اسلامی گروه‌لر و مذهبی فرقه‌لر گه قرشی ایجاد ایتیلگن و بو گروه نینگ مقصدی بیر مذهبی فرقه و اولرگه تیگیشلی حکومت‌لرنینگ نابود قیلیش دیر.
سیاسی ایش بیلرمان اکرم عارفی نینگ ایتیشیچه، حاضر داعش گروهی افغانستان ده اوزی نینگ کوچلنتیریش و چیگره‌دن تشقری مقصدلری اوچون، بو مملکتده بیر پایگاه قوریش نی ایسته‌یدی.
بیراق اسلامی امارت ایچکی ایشلر وزیرلیگی سوزلاوچیسی سعید خوستی نینگ ایتیشیچه، بونده‌ی هجوملرنینگ آلدینی آلیش اوچون سعی و حرکت‌لرنی دوامی بار و کیله‌جکده بونده‌ی بیر حادثه‌لرگه شاهد بولمه‌یمیز.
اوتگن هفته قندوز ولایتیده سیدآباد مسجدی خودکش هجوم گه دوچ کیلدی که گزارشلر اساسیده، بو حادثه‌ده ۱۵۰ دن آرتیق کیشی هلاک و ۲۰۰ دن آرتیق کیشی ایسه یره‌لنگن.
اوشبو ایکی حادثه مسئولیتی نی داعش گروهی بوینیگه آلگن.
