داعش گروهی گه تیگیشلی خبرلرنی نشر قیلهدیگن اعماق کوندهلیگی نینگ بیر اعلامیه نشر قیلیب ایتیشیچه، اوتگن کونی قندهار شهری نینگ بیرینچی امنیتی حوزهسیگه جایلشگن «امامبارگاه فاطمیه» مسجدی اوستیگه اویوشتیریلگن هجوم اوشبو گروه تامانیدن صورت تاپگن.
بیزلرنینگ فیسبوک صحیفهمیزگه باش اورینگ!
داعش تامانیدن نشر ایتیلگن اعلامیه گه کوره، قندهار ده شیعهلر مسجدی اوستیگه اویوشتیریلگن هجوم انس خراسانی و ابوعلی البلوشی ناملی ایکی هجومچی تامانیدن صورت تاپگن. اعلامیه ده ایتیلیشیچه، مذکور ایکی هجومچی بیرینچیدن مسجد نینگ قوروقچیلرینی اوق آرقهلی اولدیرگنلر و اوندن سونگ، اوزلرینی پارتلهتگن.
قندهار ده اسلامی امارت مسووللری و اوشبو ولایت بوییچه ساغلیقنی سقلش ریاستی رسمیلری نینگ ایتیشلریچه، مذکور هجوم ده ۴۷ تینچ اهالی هلاک و باشقه ۷۰ دن آرتیق کیشی یرهلنگن.
ایتیلیشیچه، اوتگن کونی قندهار شهریده شیعهلر مسجدی هجوم آستیگه قرار بیریلگن. اسلامی امارت اوشبو هجوم نی قارهلب و کته جنایت عنوان قیلیب و کوچلریگه اوشبو هجوم مسووللرینی قولگه آلینیشی خصوصیده بویروغ بیرگن.
افغانستان بوییچه بیرلشگن ملتلر تشکیلاتی نینگ اورین باسرلیک هیاتی یا-ده یوناما هم اوشبو هجومنی قارهلگن.
بیزلرنینگ فیسبوک صحیفهمیزگه باش اورینگ!
شونینگدیک، اوتگن هفته “جمعه” کونی داعش گروهی تامانیدن قندوز شهریده شیعهلرگه تیگیشلی مسجد اوستیگه اویوشتیریلگن هجوم نتیجهسیده ۵۰ کیشی هلاک و باشقه ۱۵۰ کیشی یرهلنگن ایدی.