کابل بیلیم یورتی نینگ رهبرلیک هیأتی تامانیدن ترقه‌تیلگن اعلامیه‌گه کوره، طلبه‌لرنینگ درسی کینگه‌قالمسلیگی اوچون بوگون (چهارشنبه، ۱۴- عقرب) کابل بیلیم یورتی طلبه‌لرنینگ یوزیگه آچیلگن.
کابل بیلیم یورتی فیسبوک‌صحیفه‌سیدن بیر اعلامیه ترقه‌تیب یازیشیچه، جمهور رئیس محمد اشرف غنی بیلیم یورت رهبرلیک هیأتی، عالی اوقوو وزیرلیگی و امنیتی کوچلر نینگ مسووللری بیلن بیر ییغین اوتکزیب و بیلیم یورت آچیلیشی گه قرار بیرگن.
مذکور نهاد نینگ ایتیشیچه، امنیتی مسووللر بیلیم یورتلر امنیتی نی آلیش اوچون بوتون تیارگرلیک آلگن.
کابل بیلیم یورتی تامانیدن ترقه‌تیلگن گزارشگه کوره، ایرکک و قیزلرنینگ یاتاق‌خانه‌سی قیته‌دن فعالیت گه باشله‌گن و یاتاق‌خانه‌ده حیات کیچیره‌دیگن اوقوچیلر قیته‌دن یاتاق‌خانه‌گه کیله‌آله‌دیلر.
دوشنبه کونی (۱۲- عقرب) توشدن آلدین ۳ قوراللی عصیانچی کابل بیلیم یورتی گه کیریب، قطار طلبه‌لرنی اوققه توتگن ایدی. مذکور هجوم نتیجه‌سیده ۲۲ اوقوچی اولیب و ۴۰ اوقوچی یره‌لنگن.
انه‌شوحالده سلام‌وطندار خبرچیسی مارینا احمدیار‌نینگ ایتیشیچه، بوگون بیلیم یورت محیطی ساووق و جیم ایدی، لیکن بیلیم یورت ایشیگی و شونینگدیک بیلیم یورت نینگ ایچیده سابق گه نسبتن امنیتی کوچلر کوپه‌یگن.
اونگه کوره، امنیتی کوچلر جدی شکلده امنیتی تدبیر آلگنلر و بیلیم یورتگه کیره‌دیگن بوتون اوقوچیلرنینگ کارتی نی کنترول قیله‌دیلر.
کابل بیلیم یورت اوستیگه اویوشتیریلگن هجوم گه طلبه‌لرهم عکس‌العمل کورستگن.
اوتگن کونی قطار طلبه‌لر و مدنی فعاللر بیر ناراضلیک نمایش اوتکزیش بیلن اوشبو هجوم نی جدی شکلده قاره‌لگن ایدیلر.
اوشبو ناراضچیلر، مذکور واقعه جدی شکلده تیکشیریلیب و قضیه عامللری عدلی و قضائی بولیم‌لرگه تاپشیریلیش نی سوره‌شگن.
