مزارشریف اهالیسی شهر سقوط قیلیشی و طالبان حکومتی قیته تکرارلهنیشی خصوصیده خواطرگهلر دیر. طالبان اوتگن کون ۱۰ کون جریانیده بلخ ولایتی نینگ ۷ تومنی نی نظارت گه آلیب و اوتگن کون ایسه مزارشریف شهری گه قدر ییتیشیش بیلن، اهالی نینگ خواطرلنتیرگن.
طالبان نینگ قیسقه پیت مزارشریف ایشیگیده حضور تاپیشی باعث، مذکور شهر یشاوچیلری تینچ بیر ییر تاپیش اوچون سعی و حرکت قیلیب کیلماقدهلر.
بلخ یشاوچیلریدن ایکی تهسی عتیقالله و حسنیا، بوگون برچه خواطرلر بیلن ایش و وظیفه اوچون اویلریدن چیققن. اولرنینگ سلاموطندارگه ایتیشلریچه، امکانیت بار کیشی مزارشریف نی ترک قیلهدی و یشاوچیلردن کوپینچهسی قورقوو و خواطر باعث اویلریدن چیقه آلمهیدی. بلخ نینگ اوشبو ایکی یشاوچیسی حکومتدن، حاضرگی وضعیت نی نظارتگه آلیش اوچون چاره و تدبیر کوریشی نی سورهشگن.
بیزلرنینگ فیسبوک صحیفهمیزگه باش اورینگ!
عین حالده، نمایندهلر کینگشی ده بلخ ملت وکیلی غلام عباس ابراهیمزاده، اوتگن کون طالبان گه قرشی کورهشیش اوچون بیر مینگ کیشی و حربی قورال بیلن ۲۰۹ شاهین قولاردو قومندانلیگی گه قتنشدی. ابراهیمزاده نینگ ایتیشیچه، بلخ دن مدافعه قیلیش اوچون تیار دیر و حکومتدن امنیتی کوچلرنینگ جهازلنتیریشی نی سورهیدی.
بیراق بلخ پولیس قومندانلیگی سوزلاوچیسی عادلشاه عادل نینگ سلاموطندارگه ایتیشیچه، مزارشریف نینگ وضعیتی حاضر عادی دیر. عادل گه کوره، امنیت تأمینلنیشی و طالبان هجومی نینگ آلدینی آلیش اوچون شهر اطرافیده کمربند ایجاد قیلینگن و امنیتی وضعیت یخشیلنماقده.
بیزلرنینگ توییترده هم تعقیب قیلینگ!
بلخ یشاوچیلری خواطر بیلدیرگن بیرحالده، اوتگن کون حکومت مذکور ولایت نینگ بلخ تومنی طالبان نظارتیدن چیقاریلگنیدن خبر بیردی، بیراق بلخ تومن یشاوچیلری نینگ ایتیشلریچه، طالبان بو تومنده موجود دیر.