کاپیسا محلی مسوول‌لری نینگ ایتیش‌لریچه، اوشبو ولایت پولیس قومندانلیگی نینگ جنایت‌لرگه قرشی کوره‌ش آمری مستقیم‌خان طالبان تامانیدن ترور قیلینگن.
کاپیسا پولیس قومندانلیگی مطبوعاتی مسوولی شایق شورش نینگ بو واقعهنی تصدیقلب سلام‌وطندارگه ایتیشیچه، اوشبو ولایت پولیس قومندانلیگی نینگ جنایت‌لرگه قرشی کوره‌ش آمری مستقیم‌خان بوگون “جمعه” توشدن سونگ ساعت ۲:۳۰ ده طالبان جنگریلری تامانیدن اوققه توتیلیب هلاک ایتیلگن.
جناب شورش نینگ کوپه‌یتیریشیچه، اوشبو واقعه کاپیسا مرکزی محمودراقی شهری نینگ ۱- امنیتی حوزه‌سیگه جایلشگن «قلعه سیدخان» منطقه‌سیده یوز بیرگن.
کاپیسا پولیس قومندانلیگی نینگ مطبوعاتی مسوولیگه کوره، مذکور واقعه‌ده جنایت‌لرگه قرشی کوره‌ش آمری هلاک و اونینگ ایناغه‌سی یره‌لنگن.
عین‌حالده، امنیتی منبع‌لردن بیرقطاری نینگ سلام‌وطندارگه ایتیشیچه، اوشبو واقعه عامل‌لری اهالی تامانیدن قولگه آلینیب و اولدیریلگنیدن سونگ، جسدلری آغاچ‌گه آسیلگن.
طالبان گروهی حاضرگه‌قدر بوتوغریده فکر بیلدیرمه‌گن.
