کاپیسا امنیتی مسئوللری نینگ ایتیش‌لریچه، ایکی عیال پولیس موترسایکل گه مینیلگن کیشیلرنینگ اوق آتیشی باعث یره‌لنگن.
کاپیسا پولیس قومندانلیگی نینگ رسانه مسئولی عبدالشایق شورش نینگ سلام‌وطندارگه ایتیشیچه، بوگون (یکشنبه ۲- قوس) ایرته‌لب ساعت ۸:۳۰ اطرافیده موترسایکل گه مینیلگن کیشیلر مذکور عیال پولیس‌لرنی اوستیگه اوق آتیشگن.
اونگه کوره، بو حادثه مذکور ولایت نینگ حصه دوم تومنیده یوزبیرگن.
اونینگ معلومات اساسیده، اوشبو عیاللر کاپیسا پولیس قومندانلیگیده ایش بیلن شغللنگن ایکن.
کاپیسا ساغلیک ریاست باشلیغی داکتر محمد شعیب دانش نینگ ایتیشیچه، عیاللردن بیری حامله‌دار ایکن.
اونگه کوره، داکترلر مذکور عیال نینگ باله‌سینی قوتقریش اوچون سعی و حرکت قیلماقده.
کاپیسا پولیسی نینگ ایتیشیچه، بو حادثه حقیده تدقیقات باشلنگن.
مذکور حادثه مسئولیتی نی حاضرگچه بیرار کیشی یا-ده شخص بوینیگه آلمه‌گن.
