کاپیسا امنیه قوماندانلیگی سوزلاوچیسی عبدالفتاح فائزنینگ ایتیشیچه، اوشبو ولایتده اوروشدن پارتلمهی قالگن ماین پارتلشی نتیجهسیده، بیر باله هلاک بولگن.
اونینگ کوپهیتیریشیچه، مذکور واقعه اوتگن کون (۲۴-حمل، دوشنبه)، کاپیسا ولایتی تگاب تومنی «بدراب» منطقهسیده، اوشبو بالهنینگ ماین بیلن اوینشی چاغیده یوز بیرگن.
اوتگن آی اسلام امیرلیگی طبیعی آفتلر گه قرشی کورهش ملی ادارهسی، سونگی ییلده افغانستان ده اوروش جریانیدن پارتلمهی قالگن ماین پارتلشی ۱۹۳ واقعه یوز بیریب و اونینگ نتیجهسیده، ۸۷ کیشی اولیب و ۳۳۳ کیشی یرهلنگنینی معلوم قیلگن ایدی که، بو رقمدن ۶۷ فایزینی بالهلر تشکیل بیرهدی.
