قندوز ولایتیدن امنیتی بیر منبع نینگ کیملیگی سیرقالیشنی ایستهب سلاموطندارگه ایتیشیچه، طالبان جنگریلری اوتگن کیچه ساعت 12:30 ده قندوز شهری «بولکول» منطقهسیده امنیتی بیر پوسته اوستیگه هجوم قیلگن.
منبع نینگ ایتیشیچه، امنیتی کوچلر و طالبان جنگریلری آرهسیده یوز بیرگن آتیشمه ساعتلرچه دوام قیلگن و نتیجهده پولیس کوچلریدن 4 تهسی هلاک و باشقه 3 تهسی طالبان قولیگه اسیر بولگن و شونینگدیک، مذکور پوستهگه بولگن حربی تجهیزات طالبان قولیگه توشگن. منبعگه کوره، مذکور واقعهده طالبان جنگریلریدن هم بیرقطاری هلاک و یرهلنگن، لیکن بیللی ارقام قولگه یوق.
شونینگدیک، باشقه بیر خبرگه کوره، قندوز ولایتی نینگ امامصاحب تومنیده یوز بیرگن پارتلشده کماندو کوچلریدن 1 تهسی هلاک و باشقه 3 تهسی یرهلنگن.
قندوز امنیتی مسووللری مذکور واقعهلر خصوصیده معلومات بیرمهگن.
عینحالده، طالبان سوزلاوچیسی ذبیحالله مجاهد، مذکور هجوم طالبان تامانیدن اویوشتیریلگنینی بیلدیرگن. اونینگ ایتیشیچه، اوشبو هجوم ده پولیس کوچلریدن 4 تهسی هلاک و باشقه 3 تهسی اسیر بولگن و شونینگدیک، دولت کوچلر بیرقطار قورال و اوقلری طالبان قولیگه توشگن.
