آمریکالیک حربی تجهیزات و واسطه‌لرنینگ افغانستان‌دن قوشنی مملکت‌لرگه انتقال بیریلیشی خصوصیده ترقه‌تیلگن گزارش‌لردن کیین، افغانستان اسلامی امارت ایچکی ایشلر وزیرلیگی حربی واسطه‌لرنینگ قاچاق ایتیلیشی نی یالغان دیگن.
مذکور وزیرلیک اوتگن کون بیر خبرنامه ترقه‌تیب، حربی تجهیزات و واسطه‌لرنینگ قوشنی مملکت‌لرگه قاچاق ایتیلیش خبری نی آوازه دیب و اوشبو موضوع نینگ حقیقیتی یوقلیگی نی ایتگن. خبرنامه‌ده اورغولنگن که: «ترقه‌تیلگن صورتلر و ویدیو‌لر کابل نینگ سابق اداره‌سی زمانی‌گه تیگیشلی دیر که آمریکالیکلر حربی واسطه‌لری نینگ پاکستان یولی آرقه‌لی انتقال بیره‌دی ایکن.»
ایچکی ایشلر وزیرلیگی نینگ کوپه‌یتیریشیچه، حربی واسطه‌لرنینگ بیر ولایتدن باشقه بیر ولایت گه انتقال بیریش جریانیدن آلینگن صورتلر، حربی تجهیزات‌لرنینگ قاچاق ایتیش معناسیگه کیلمه‌یدی.
بیزلرنینگ فیسبوک صحیفه‌میزگه باش اورینگ!
عین حالده، اسلامی امارت ایچکی ایشلر وزیرلیگی نینگ ایتیشچه، نهایتده بیر اوق نی هم افغانستان دن تشقری چیقاریش اوچون هیچ کیم گه رخصت بیریلمه‌یدی. مذکور وزیرلیک نینگ اورغولشیچه، حربی امکانیت اسلامی امارت حربی‌لری اوچون کیره‌کلی دیر.
شونده‌ی بیرحالده، اوتگن کون‌لرده آمریکالیک حربی تجهیزات و واسطه‌لرنینگ افغانستان دن تشقری قاچاق ایتیلیشی‌دن عکس و ویدیو‌لر ترقه‌تیلگن ایدی. بوندن آلدین هم اسلامی امارت قدرت گه ایریشیشی بیلن حربی واسطه‌لر قوشنی مملکتلر اینیقسه ایران و پاکستان گه قاچاق ایتیلیشی توغریسیده گزارشلر ترقه‌تیلگن ایدی.
