آمریکا قوشمه ایالتی تشقی ایشلر وزیرلیگی نینگ سوزلاوچیسی ند پرایس نینگ ایتیشیچه، اسلامی امارت قیزلر نینگ اورته ولیسه مکتب‌لرینی آچمه‌گن صورتده کیسکین نتیجه‌لر بیلن روپه‌رو بولیشی ممکن.
اواوتگن کون خبرچیلرگه ایتگن دیر که قیزلر نینگ مکتب‌لر آچیلیش، ایستگی اسلامی امارت تامانیدن قبول قیلینگن صورتده، اسلامی امارت بیلن آمریکا و دنیا جماعه‌سی نینگ رابطه‌لری اوستیده کوزگه کورینرلی درجه‌ده سلبی تاثیر قویشی ممکن.
بیزلرنینگ فیسبوک صحیفه‌میزگه باش اورینگ!
آمریکا قوشمه ایالتی سوزلاوچیسی نینگ کوپه‌یتیریشیچه، قیزلر نینگ مکتب‌لری یاپیق قالگنی، میلیونلرچه افغاننی امیدسیز قیلگن.
اونینگ ایتیشیچه، اسلامی امارت قیزلر نینگ مکتب‌لری، حمل آیی‌گه آچیلیشی توغریسیگه بیرگن وعده‌لریگه قرشی عمل قیلگن.
ند پرایس نینگ کوپه‌یتیریشیچه، اگرده بیر مملکت نینگ جمعیتیدن یریمی تعلیم آلیشدن محروم بولسه، او مملکت نینگ سیاسی و اقتصادی بولیم‌لری رشد قیلمه‌یدی.
او اسلامی امارت‌دن قیزلرنینگ اورته و لیسه مکتب‌لرینی تیزلیکده آچیشلرینی سوره‌گن.
آمریکا تشقی ایشلر وزیرلیگی سوزلاوچیسی نینگ تأکید قیلیشیچه، بو مملکت متحدلری بیلن افغانستانده تعلیم آلیش پروسه دوامیدن آرقه‌داشلیک بیلدیره‌دی و اسلامی امارت‌دن قیزلر نینگ تعلیم آلیش برابریده‌گی موجود بولگن قیین‌چیلیکلرنی کوتاریب و بیرگن وعده‌لرینی عملگه آشیریشینی سوره‌گنلر.
بیزلرنینگ توییترده هم تعقیب قیلینگ!
عین‌حالده، اسلامی امارت معارف وزیرلیگی نینگ مسئوللری قیزلر نینگ اورته و لیسه مکتب‌لری آچیلیشی خصوصید آلیب باریله‌یاتگن سعی و تلاشلریدن خبر بیریب ایتگنلر که قیزلر مکتب‌لری آچیشلیش طرحی بیر آز آلغه کیتگن.
عزیز احمد ریان اسلامی امارت معارف وزیرلیگی نینگ سوزلاوچیسی، (افغانلر پاک کینگشی) عنوانی آستیده یولگه قویلگن ییغین‌ده ایتگن دیرکه افغانستانده قیزلر نینگ اورته و لیسه مکتب‌لری نینگ یاپیقلیگی دایمی ایمس دیر؛ بلکیم تینچ فضا اورته‌گه کیلیشی بیلن تیزلیکده آچیلیشی ممکن.
