خلق‌ارا کیچیریم تشکیلاتی نینگ اعلام قیلیشیچه، افغانستانده نیچه آیدن بویان قیزلرگه مکتب باریش اوچون رخصت بیریلمه‌گن و تعلیمات اساسی حقیدن محروم قالگن‌لر.
بو تشکیلات، خلق‌ارا تعلیمات کونی مناسبتی بیلن توییتر صحیفه‌سیده یازیشیچه، ۱۲۹کوندن بویان اسلامی امارت ۱۲ یاشدن یوقاری بولگن قیزلرنی مکتب باریش دن منع قیلگن.
بیزلرنینگ فیسبوک صحیفه‌میزگه باش اورینگ!
بو تشکیلات نینگ کوپه‌یتیریشیچه، افغانستانده قیزلر وعیاللر تعلیمات آلیش حقیدن محروم قالگن‌لر.
خلق‌ارا کیچیریم تشکیلاتی نینگ تاکید قیلیشیچه، ملی و خلق‌ارا تشکیلات‌لرنینگ کوپینچه باسیم و تلاشی بیلن، حاضر هم اسلامی امارت عیاللرنینگ مکتب باریش‌لری‌گه رخصت بیرمه‌گن.
اوشبو تشکیلات برچه‌دن افغانستان عیاللری نینگ یانیگه توریش‌لرینی سوره‌گن. خلق‌ارا کیچیریم تشکیلاتی «قیزلر مکتبی‌نی آچینگ» عنوانی آستیده بیر کمپاین یولگه قوییب، اسلامی امارت رسمی‌لریدن قیزلرنینگ مکتب‌گه باریش‌لری اوچون رخصت بیریلیشی نی سوره‌گن.
بیزلرنینگ توییترده هم تعقیب قیلینگ!
عین‌حالده، اسلامی امارت افغانستانده حاکم بولگنیدن بویان ۶ یاشدن یوقاری بولگن اوقووچی قیزلرگه مکتب باریشی اوچون رخصت بیریلمه‌گن. اسلامی امارت مقام‌لری تعلیمات اوچون توغری محیط بولمه‌گنی قیزلرنینگ مکتبی یاپیق قالگنی دلیلی دیب و ایتیشیچه، ینگی ریجه اساسیده قیزلرنینگ مکتب‌لری قیته آچیلیشی ممکن.
شونده‌ی بیر حالده، اسلامی امارت معارف وزیرلیگی ینگی‌لیکده، افغانستان نینگ برچه حدودلریده کیله‌سی ییل نینگ بهاریده مکتب‌لر برچه قیزلر یوزیگه آچیلیشی نی اعلان قیلگن.
