قندوز امنیتی منبعلری نینگ ایتیشلریچه، بو ولایتده طالبان هجومی باعث ۷ حربی هلاک و باشقه ۳ کیشی ایسه یرهلنگن.
ایشانچلی امنیتی بیر منبع آتی فاش ایتیلیشی نی ایستمهی سلاموطندارگه ایتیشیچه، طالبان اوتگن کیچه (جمعه ۲۲- حوت) ساعت ۱۱:۳۰ اطرافیده قندوز شهری نینگ اوچینچی ناحیهسیده و مذکور ولایت خان آباد تومنی نینگ «عکس داوود» منطقهسیده ایکی پوسته اوستیگه هجوم قیلگن.
منبعلرگه کوره، بوگون ایرتهلب ساعت ۴ گچه آتیشمه دوام تاپگن و نتیجهده خانآباد تومنی نینگ «عکس داوود» منطقهسیدهگی پوستهده ۶ حربی هلاک، بیر حربی تن جراحتی کوتاریب و باشقه ۴ تهسی ایسه اسیر آلینگن.
منبع نینگ کوپهیتیریشیچه، شونینگدیک زاخیل منطقهسیدهگی پوستهده حربی کوچلرنینگ بیر بریدملی هلاک و باشقه ۲ کیشی ایسه یرهلنگن. محلی مسئوللر و ۲۱۷ پامیر قول اردو قومندانلیگی مسئوللری بو توغریده آرتیق تفصیلات بیرمهگن.
مذکور هجوملر مسئولیتی نی طالبان گروهی بوینیگه آلگن.