سعودی عربستاننینگ اعلام قیلیشیچه، بو مملکت امریکا همکارلیگی بیلن عراقنینگ بیر قطار بولیملریگه هجوملرنی اویوشتیرگن.
سعودی عربستان تشقی ایشلر وزیرلیگینینگ بوگون (۷-اسد، چهارشنبه)، بیر بیانیه آرقهلی یازیشیچه، مذکور هجوملر انیق نشانلر و عراق ده ایران حمایتی آستیدهگی گروهلر هجوملریگه جواب بو مملکت نفت قوریلمهلریگه اویوشتیریلگن.
اوشبو وزیرلیکنینگ کوپهیتیریشیچه، سعودی عربستان توقنشوولرنی کوچهیتیرماقچین ایمس، لیکن حاکمیت، یشاوچیلری و سرمایهلریگه قرشی هر قندهی هجومگه جواب بیرهدی.
بو بیلن بیرگه، ایران تسنیم آژانسینینگ گزارش بیریشیچه، امریکا و سعودی عربستان هجوملریده عراقنینگ تورلی منطقهلری جملهدن کربلا، نینوا، واسط، بصره و بابل ده «حشد شعبی» پایگاهلری نشان گه آلینگن.
حشد شعبی، عراق دهگی حاکمیت توزیلمهسیدن تشقری فعالیت یوریتهدیگن، ایران تامانیدن قوللب-قوتلنهدیگن و مملکتنینگ اَیریم حدودلرینی نظارت قیلهدیگن قوراللی گروهلر مجموعهسی دیر.
سعودی عربستان، اوتگن ایکی کونده نیچه مرته حشد شعبی آرقهلی بو مملکت نفت قوریلمهلری تامان پهپادلر آتیلگنینی ادعا قیلگن.
