بلخ ولایتی بوییچه ساغلیق‌نی سقلش ریاستی مسوول‌لری نینگ ایتیشلریچه، اوشبو ولایت نینگ «دولت‌آباد» دومنیده ساغلیک خذمت‌لر طالبان تامانیدن توخته‌تیلگن.
بلخ ولایتی بوییچه ساغلیق‌نی سقلش ریاستی باشلیغی خلیل حکمتی نینگ سلام‌وطندارگه ایتیشیچه، اوشبو ولایت نینگ دولت‌آباد تومنیده بولگن کسلخانه ایچیده امنیتی پوسته بولگنی سبب، طالبان گروهی جاری ییل ۸ قوس دن بویان اوشبو مرکز نی باغله‌گنلر.
جناب حکمتی نینگ ایتیشیچه، اوشبو کسلخانه ۵۰ یاتاق‌لیک دیر و حاضرده اونینگ ساغلیک خذمت‌لری توخته‌تیلگن.
عین‌حالده، قطار منبع‌لرنینگ سلام‌وطندارگه ایتیشیچه، طالبان جنگریلری، ساغلیق مرکزلر ایشلاوچی‌لری و داکترلریگه وظیفه‌لریگه بارمه‌یش‌لرینی بیلدیرگن.
شونینگدیک، دولت‌آباد تومنی یشاوچی‌لریدن بیرقطاری نینگ سلام‌وطندارگه ایتیشلریچه، طالبان گروهی ساغلیق مرکزلر دروازه‌لرینی باغلش بیلن داکترلرنی اوز کسل‌لرینی درمان‌لش اوچون نظارت‌لریگه بولگن منطقه‌لرگه آلیب کیتگن.
اولرنینگ ایتیشلریچه، کونده اونلرچه کسل ایشیگی باغلنگن کسلخانه نینگ آرقه‌سیده کوتیب توره‌دی، بیراق داکتر دن هیچ خبر یوق و حاضرگه‌قدر قطار کسللر داکتر یوقلیگی سبب دنیا دن اوتگن.
طالبان گروهی حاضرگه‌قدر بوتوغریده فکر بیلدیرمه‌گن.
