نیپال و تبت عملدارلری، اوشبو ایکی حدود ده اوتگن هفته یوز بیرگن هلاکتلی سوو تاشقینیده اولگنلر سانی ۷۵۰ کیشی گه ییتگنی و بیدرک بولگنلر سانی ایسه اوچ مینگ ۴۴ کیشی گه آشگنینی بیلدیرگن.
رویترز نشری، بوگون (۸ سنبله/۳۰ آگست، یکشنبه) قیزیل خاچ گه اساسلنیب ایتیشیچه، اوشبو طبیعی آفتده ۹۰ مینگدن آرتیق کیشی جبرلنگن.
نیپال طبیعی آفتلر گه تیارگرلیک کوریش ملی ادارهسینینگ معلوماتی گه کوره، اوشبو مملکتده سوو تاشقینی طفیلی اولگنلر سانی ۷۳۴ کیشی گه ییتگن و ایکی مینگ ۴۹۸ کیشی ایسه بیدرک بولگن همده ییتی مینگ ۵۱۴ کیشی قوتقریلگن.
شونینگدیک، چینده تبت رسمیلری شنبه کونی شام پیتی گه قدر ۱۶ کیشی هلاک بولگنی و ینه ۵۴۶ کیشی بیدرک بولگنینی ایتگنلر.
بو هلاکتلی فاجعه اوتگن هفته چهارشنبه کونی ایرتهلب هیمالیاده تخمیناً بیش مینگ ۲۰۰ متر بلندلیگی بولگن طبیعی یخچال قولشی بیلن باشلندی.
