افغانستان هواشناس‌لیک ریاستی، بوگون (یکشنبه، ۱ اسد)، بیر بیانیه ترقه‌تیب، مملکت نینگ ۱۷ ولایتیده احتمالی کوچلی یامغیر، سوو تاشقینی و بوران یوز بیریشیدن آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
مذکور ریاست گه کوره، اوشبو آی نینگ ۲ و ۳_کونلریده کابل، پروان، کاپیسا، کنر، نورستان، لغمان، ننگرهار، لوگر، پکتیا، پکتیکا، خوست، غزنی، میدان‌وردک، بامیان، زابل، غور و دایکندی ولایت‌لریده کوچلی یامغیر، سوو تاشقینی و بوران یوز بیریشی ممکن.
شونینگدیک مذکور اداره، تورلی منطقه‌لرده یامغیر یاغیش میزانینی ۱۵ دن ۴۰ ملی متر پیش‌بینلیک قیلگن.
بیزلرنینگ توییترده هم تعقیب قیلینگ!
عین‌حالده، اوتگن کیچه میدان‌وردک ولایتیده یوز بیرگن سوو تاشقینی عاقبتیده ۳۱ کیشی هلاک بولیب و محل یشاوچیلری گه کوپ مالی زیان ییتکیزگن.
بوندن آلدین، افغانستان هواشناس‌لیک ریاستی مملکت نینگ قطار ولایت‌لریده کوچلی یامغیر و سوو تاشقینی یوز بیریشیدن آگاه‌لنتیرگن ایدی.
