افغانستان هواشناسلیک ریاستی بیر اعلامیه ترقهتیب ایتیشیچه، ایرته (یکشنبه، ۹ دلو) کابل، پروان، پنجشیر، میدانوردک، غزنی، زابل، پکتیکا و نورستانده کوچلی قار یاغیش احتمالی موجود دیر.
شوندهی بیرحالده، یشاوچیلردن قطاری قتناو یوللر نینگ یاپیلیشی و اویلرینی ایسیتیش اوچون یاقیلغی ماده یوقلیگینی، قیش موسومیدهگی قیینچیلیکلریدن عنوان قیلهدیلر.
بیزلرنینگ فیسبوک صحیفهمیزگه باش اورینگ!
کابل شهری یشاوچیلریدن احمدزبیر نینگ سلاموطندار گه ایتیشیچه: «قیش موسومی بیزلر اوچون کوپ قیین دیر. بیر وقتلر اوچ مرته بخاری نی یاقر ایدیک لیکن حاضر ایسه بیر پیتده یاقهمیز او هم کوپ قیینچیلیک بیلن، چونکه یاقیلغی ماده قیمت بولگن و بیر خروار تاش کومیر ۴۰۰۰ افغانی ایدی، حاضر ایسه ۹۰۰۰ افغانی گه ییتیشگن.»
کابل یشاوچیلریدن باشقه بیری ولی احمد نینگ ایتیشیچه: «ییش گه نانیمیز یوق یاقیلغی ماده نی نیردن تاپهیدیک. کهنه بوت و بیران بوتل تاپیش گه مجبور میز. انه شوو آی قسم که ۱۰ روپه هم توپله یالمهگنمیز.»
شونینگدیک غزنی یشاوچیلریدن سمیعالله نینگ سلاموطندار گه ایتیشیچه: «اهالی شهر ایچیده خو بیران قیینچیلیگی یوق؛ بیراق کوپراق قار یاغگنی صورتده، قیشلاغ و تومن یشاوچیلری نینگ قیینچیلیک بیلن روپهره بولیشی ممکن. چونکه یوللری یاپیلهدی. عادی اهالی خو امکانیتی یوق، دولت تدابیر آلیب و مواصلاتی یوللر نی آچیشی کیرهک.»
شوندهی بیرحالده، طبیعی آفتلرنی باشقریش بوییچه دولت وزیرلیگی سوزلاوچیسی شفیعالله رحیمی نینگ ایتیشیچه، برچه ولایتلرده ساووق و قار یاغیش عاقبتلری بیلن مقابله قیلیش اوچون تیارگرلیگی بار.
طبیعی آفتلرنی باشقریش بوییچه دولت وزیرلیگی سوزلاوچیسی نینگ کوپهیتیریشیچه، قار یاغیش نتیجهسیده باغلنهدیگن یوللر نینگ آچیلیشی اوچون، ساحهدهگی همکار تیملر بیلن ییترلی هماهنگلیکلر نی قول گه آلگنلر.
بیزلرنینگ توییترده هم تعقیب قیلینگ!
عین حالده، افغانستان ده مهاجرلر ایشلری بوییچه بیرلشگن ملتلر تشکیلاتی نینگ عالی کمیشنری سوزلاوچیسی کارولین گلک، افغانستان نینگ اوشبو ییل قیشی مذکور مملکت اهالیسی اوچون اینگ یامان قیش عنوان قیلگن.
باشقه بیر تاماندن، سونگی کونلرده مملکت نینگ تورلی ولایتلریده ساووق نتیجهسیده ۱۷۰ کیشی هلاک بولگن.