کابل شهری حاجی یعقوب تورت یولی ده، کونده‌لیک ایشله‌یدیگنلر ایش تاپیش اوچون هر کونی بو ییرده توپلنه‌دیلر. دارالامان دن بو ییرده کیلگن شاه‌پور نینگ ایتیشیچه، انچه ییل دن بویان کونده‌لیک ایش بیلن عایله اعضالری نینگ خرجتینی تأمینلب کیلماقده.
او سکیز کیشی‌لیک عایله سرپرستی دیر، تیریکچیلیک احوالی دن نالیب ایتیشیچه، هر کونی بیر لقمه نان تاپیش اوچون ایرته‌لب دن آخشم‌گچه ایش قیدیره‌دی؛ لیکن ایش یوق‌لیگی باعث کیچه‌لری بوش اوی گه قیته‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «بو ییرده ایرته‌لب وقت کیله‌من، موتر کرایه‌سی و نان پولی یوق، وضعیت شونده‌ی نیمه چاره؟ دوکان دن قرضدار، یاغاچ ساتووچی دن قرضدار و همه دن قرضدار، تیریکچیلیک قرض بیلن اوتماقده.»
شاه‌پور یقینیده کونده‌لیک ایشله‌یدیگنلردن وهاب گه کوره، حیات قیینچیلیگی سبب تینگداش‌لری گه نسبتن کیکسه گه اوخشه‌یدی.
وهاب نینگ ایتیشیچه، ایش تاپه آلمسلیگی اوچون آچ‌لیک بیلن کون‌لرنی کیچ قیله‌دی. «اوی اوسکونه‌لری جمله دن موزخانه، پکه و باشقه نرسه‌لرنی ساتیب حیات کیچیرماقده میز، حیاتی‌میز یخشی بولیشی اوچون بار نرسه‌لرنی ساتدیک.»
کونده‌لیک ایشله‌یدیگنلردن باشقه بیری عبدالروف نینگ ایتیشیچه، بیر تاماندن بازار ده ایش یوق‌لیگی و باشقه تاماندن حیات قیینچیلیگی، آی‌لردن بویان اونینگ تینچلیگینی یوقاتگن. اونگه کوره، قشاق‌لیک باعث قرینداش‌لری نینگ خوش‌لیک احتفاللری گه قتنشه آلمه‌گن.
بیزلرنینگ توییترده هم تعقیب قیلینگ!
آلتی فرزند آته‌سی عبدالروف نینگ ایتیشیچه: «بو ییرده هر کونی ۵۰۰ و ۶۰۰ کیشی کیلیب_کیته‌دی، بیر تاماندن قیش و باشقه تاماندن ایش یوق، ییگولیک و یاقیلغی ماده‌لر نرخی قیمت، آدم‌لر کیله‌جک‌لریدن امیدوار ایمس‌لر.»
ایتیش کیره‌ک که، افغانستان ده سیاسی سونگی اوزگریش دن کیین، اولکه یشاوچیلری تورلی خیل قیینچیلیک‌لر اینیقسه اقتصادی قیینچیلیک بیلن روپه‌ره بولگن‌لر، اولردن قطاری حیات قیینچیلیکلری اوچون مملکت نی ترک ایتیش گه مجبور بولگن.
