کابل شهری ده کونده‌لیک ایشله‌یدیگنلردن امید، آخشم‌لری آوقاتلنیش اوچون قیزی نینگ کوتیب توریشیدن حکایت قیله‌دی. ۷ نفرلیک عایله سرپرستی امید نینگ ایتیشیچه، کونده‌لیک درآمدی کیچه نانی بوله‌دی؛ بیراق ۴ کوندن بویان ایش‌سیز و هیچ درآمد قیلمه‌گن.
اونگه کوره، هر کونی کیچیک یاشر قیزی تویب آوقاتلنیش اوچون آته‌سینی کوته‌دی؛ لیکن نیچه کوندن بویان قیزی توییب آوقاتلنمه‌ی کیچه‌لری اوخلب قاله‌دی.
امید نینگ ایتیشیچه: «نیچه کوندن بویان قولیم قوریق اوی باره‌من، کیچیک یاشر قیزیم آته‌م بازاردن بیران نرسه آلیب کیله‌دی دیب ایشیک آغزی ده کوته‌دی؛ لیکن قیزیم امیدسیز بولمسلیگی اوچون نیچه ساعت اوی گه کیرمه‌ی من، قیزیم امیدسیز بولیشی اوچون کمبغل‌لیک دن ساعت‌لرچه ییغله‌ی من.»
بیزلرنینگ فیسبوک صحیفه‌میزگه باش اورینگ!
کابل ده‌گی قول ساتووچیلر و کونده‌لیک ایشله‌یدیگنلر، انسان پرورلیک یاردم‌لر تالان-تاراج بولیشیدن تنقید قیلیب ایتیشلریچه، اوشبو یاردم‌لر محتاج و کمغبل عایله‌لر گه توزیع بولمه‌یدی.
کابل شهری ده کونده‌لیک ایشله‌یدیگنلردن فیض‌خدا گه کوره: «یاردم‌لر محل نماینده‌لری تامانیدن تالان-تاراج بوله‌دی، بیر مراتبه یاردم آلیشگه اولگوردیم ایکینچی مراتبه مینی آتیم اورنیگه محل نماینده‌لری نینگ قرینداش‌لریدن بیرینی اسمی کیریتیلگندی، انسان پرورلیک یاردم‌لر محتاج‌لر گه توزیع بولیشینی ایسته‌یمیز.»
کابل شهری ده کونده‌لیک ایشله‌یدیگنلردن باشقه بیری گل‌الرحمان نینگ ایتیشیچه: «یاردم‌لر محتاج‌لر گه بیریلمه‌یدی، یاردم‌لرنی کارت‌لرنی ییققن محل نماینده‌لری آله‌دی. یاردم بیرووچی نهادلردن کمبغل عایله‌لر گه یاردم بیریش‌لرینی طلب قیله‌میز.»
برچه‌سی بیلن ایش و اجتماعی ایشلر وزیرلیگی، یاردم‌لر محتاج عایله‌لر گه توزیع قیلینیشی و یشاوچیلرنی ایش بیلن تأمینلش مقصدیده ایریم ریجه‌لر نظرگه آلینگنیدن خبر بیره‌دی.
بیزلرنینگ توییترده هم تعقیب قیلینگ!
ایش و اجتماعی ایشلر وزیرلیگی نینگ معینی مخدوم عبدالسلام سعادت گه کوره: «یاردم‌لر کابل شهری نینگ هر ناحیه‌سیده ۱۰ دن ۲۰ مینگ کیشی گه توزیع بوله‌دی، بو وزیرلیک یشاوچیلر گه ایش شرایطینی یره‌تیش مقصدیده سعی و حرکت قیلماقده.»
انسان پرورلیک یاردم‌لر عادلانه توزیع بولیشی و اولکه یشاوچیلری گه ایش شرایطی یره‌تیلیشی اوچون اسلامی امارت نینگ شعارلری بیلن، هر کونی ایش‌سیز کیشی‌لر و محتاج‌لر سانی آرتماقده دیر.
نیچه کون آلدین قیزیل خاچ تامانیدن ترقه‌لگن معلومات گه بناً، مملکت بویلب قریب ۲۰ میلیون کیشی ییترلی روشده آزیق-آوقاتلنمه‌یدی.
