کابل یشاوچیلریدن قطاری، شهری موترلر کرایه‌سی یوقاریلیگیدن شکایت قیلیب ایتیشلریچه، هیداوچیلر یول حقینی اوز باشیمچه‌لیک شکلده تعیین قیله‌دیلر.
کابل نینگ شهرنوی‌ده مغازه‌لردن بیریده ایشله‌یدیگن مصطفا نینگ ایتیشیچه، کونده شهرنو دن کوته‌سنگی گه باریب-کیله‌دی که، سونگی کون‌لر شهری موترلر کرایه‌سی نینگ یوقاری کیتگنی سبب، ایش ییریدن اوی‌گچه پیاده باریش گه مجبور بولگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اوچ کیشی‌لیک بیر عایله سرپرستی‌مین. ایشچی‌لیک قیله‌من و کونده قریب ۱۵۰ افغانی قولگه کیلتیره‌من و کوته‌سنگی‌دن شهرنو کیله‌من و کونده ۳۰ افغانی موتر گه بیریشیم کیره‌ک که، موتر کرایه‌سی کوپه‌یگنی بیلن، حاضر ایسه اوی‌گچه پیاده کیته‌من.»
کابل یشاوچیلریدن باشقه بیری خالد نینگ ایتیشیچه: «ایش‌سیز و قرض‌دار‌مین. خیر‌خانه‌دن شهرگچه بارگنیم پیتده، موتر کرایه‌سی ۳۰ افغانی بوله‌دی و بو قیمت کوپ یوقاری و مسئوللر بو خصوصیده جدی توجه قیلیش‌لری کیره‌ک.»
شونده‌ی بیرحالده، تکسی هیداوچیلردن قطاری، شهر نینگ تورلی مسیر‌لریده شخصی موترلر کوپه‌یگنی‌دن شکایت قیلیب و ایتیشلریچه، اولر کرایه نی اوزباشیمچه‌لیک شکلده تعیین قیله‌دیلر. تکسی هیداوچیلردن بیری امیر نینگ ایتیشیچه: «آزیق-آوقات و تیل قیمت و شونینگدیک تورلی منطقه‌لرده شخصی موتر هیداوچیلر هم هیداوچیلیک قیلیب و موترلر کرایه‌سی نی کوپه‌یتیرگنلر.»
شونده‌ی بیرحالده، ترانسپورت و ملکی هوانوردلیک وزیرلیگی مسئوللری نینگ ایتیشلریچه، شهری موترلر کرایه‌سی نی تعیین‌لش اوچون، بیر طرح نی قولگه آلگنلر و تیزلیکده عمل گه آشیریش‌لری ممکن.
بیزلرنینگ توییترده هم تعقیب قیلینگ!
اوشبو وزیرلیک سوزلاوچیسی امام‌الدین احمدی نینگ ایتیشیچه: «موترلر کرایه‌سی نینگ کمه‌یشی خصوصیده بیر طرحی توزتیلگن و ۱۲۳ مسیر‌ده موتر کرایه‌سی ۵ الی ۱۰ افغانی کمه‌یگن که، برچه نهاد‌لر گه مکتوب صادر بولگن و عمل گه آشیریلیشی کیره‌ک.»
کابل شهری آلتی میلیون‌دن آرتیق جمعیت گه ایگه بولگن مملکت نینگ پایتختی دیر که، برچه مسیر‌لرده منظم ترانسپورتی سیستم و شهری فعال بس‌لری یوق؛ انه‌شوو سبب یشاوچیلر اینیقسه اقتصادی قیین‌چیلیگی بولگن کیشی‌لر کونده شهرده کوپینچه قیین‌چیلیک بیلن روپه‌ره بولگنلر.
