پایتخت ده «رهنمای معاملات» دفترلری نینگ ایگه‌لریدن قطاری نی ایتیش‌لریچه، امنیتی بحران و نظام اوزگریشی ایش و کارلری نینگ وضعیتی یمان بولیشی گه سبب بولیب و اوی کرایه‌لری ۵۰ فایز کمه‌یگن.
اولرگه کوره، ایکی آی آلدین مملکت قطار ولایت‌لریده وضعیت یمان بولیشی بیلن کابل ده اوی کرایه‌لری یوقاری کیتگن ایدی، بیراق مملکتده نظام اوزگریشی بیلن ساتیش-آلیش و اوی گروی‌لری توخته‌تیلگن و شونینگدیک اوی کرایه‌لری هم کوپ کمه‌یگن.
کابل ده رهنمای معاملات دفترلری ایگه‌لری نینگ ایتیش‌لریچه، بوندن آلدین کرایه‌سی ۱۵ مینگ افغانی بولگن بیر اوی نی حاضر ۶ مینگ گه کرا آلمه‌یدیلر. عین حالده، مملکتده اقتصادی ایش بیلرمانلرنینگ ایتیش‌لریچه، املاک حوزه‌سیده‌گی جاری وضعیت مملکت اقتصادی اوستیگه یمان تأثیر قویگن.
بیزلرنینگ فیسبوک صحیفه‌میزگه باش اورینگ!
ایش بیلرمان‌لردن بیری علی‌احمد شهاب جاری وضعیت دلیلی نی ایش بازاریده پول کم‌لیگی دیب و ایتیشیچه، افغانستان اقتصادی رکود گه کیره‌دی و کورینیشچه بو وضعیت قیسقه پیتلی دیر.
کابل بیلیم یورتی نینگ اقتصاد فاکولته‌سی نینگ استادی سیف‌الدین سیحون نینگ ایتیشیچه، جاری وضعیت یالغیز کرایه گه اولتیره‌دیگن کیشیلرنینگ فایده‌سیگه دیر و املاک حوزه‌سیده سرمایه یاتقیزگن کیشیلرنینگ ضرری گه دیر.
اونگه کوره، مملکتده ساخت‌وساز صنعتی رکود گه روپه‌رو بولگن صورتده، بو موضوع مملکت اقتصادی گه ضرر ییتیشتیره‌دی.
مملکت طالبان نظارتی گه اوتگنیدن کیین، حاضر امنیتی وضعیت یخشی‌لنگن و ناتینچلیک باعث منطقه‌لرینی ترک قیلیب و کرایی اوی‌لرده یشه‌یدیگن کیشیلر قیته‌دن اوز منطقه‌لریگه قیتگن.
بولرگه علاوه، مملکت یشاوچی‌لریدن قطاری هم اولکه نی ترک قیلیشگن که بو موضوع هم املاک حوزه‌سیده‌گی ایش و کارلرنینگ اوستیگه سلبی تأثیر قویگن.
