سونگی اوزگریشلیکلردن کیین، قندوز ده دولتی ادارهلر فعالیتلرینی توغری و رسمی شکلده قیته باشلمهگن.
بولرگه علاوه، بانکلرنینگ یاپیق قالگنی هم اهالی نینگ قیینچلیکلرینی کوپهیتیرگن. شمسالحق قندوز یشاوچیلریدن بیری دیر. او ۵ کیشیلیک بیر عایله نینگ یالغیز نان کیلتیرووچیسی دیر. اونینگ ایتیشیچه، نیچه کوندن بویان ایش تاپیش اوچون مذکور شهر نینگ چوکی گه کیلهدی، بیراق ایش بیرهدیگن کیشی کوپ کم تاپیلهدی.
قندوز یشاوچیلریدن باشقه بیری نوراحمد نینگ ایتیشیچه، سونگی ایکی آیده قشاقلیک اولرنینگ کوپ خسته قیلگن. اونینگ کوپهیتیریشیچه، اسلامی امارت وضعیت نی جدی شکلده تیکشیریب و ییگیتلرگه ایش زمینهسی یرهتیشی کیرهک.
بیزلرنینگ فیسبوک صحیفهمیزگه باش اورینگ!
بیراق قندوز ده اسلامی امارت معلومات و مدنیت ریاست باشلیغی مطیعالله روحانی نینگ ایتیشیچه، موجود قیینچلیکلر کون اوتیشی بیلن کمهیماقده. روحانی گه کوره، تیزلیککه برچه خذمت ییتکزیش سیستملر فعال بولهدی و اهالی گه خذمت عرضه بولیشی ممکن.
هر کون اونلرچه کیشی قندوز شهری نینگ چوکی ده ییغیلیب و ایش تاپیش اوچون صف تارتهدیلر، بیراق کوپ کم کیشی گه ایش تاپیلهدی.