اوتگن آی قندز شهری نینگ نظارتگه آلیش اوچون سابق حکومت بیلن طالبان آره‌سیده جدی آتیشمه‌لر یوزبیردی و آتیشمه‌لر عاقبتیده مذکور شهر طالبان قولیگه سقوط قیلدی.
مذکور آتیشمه‌لر باعث شهر مرکزی و هندولر رسته‌سیده کمیده ۳۰ دکان اوت آلگن که نتیجه‌ده، دکانلر ایگه‌لریگه نیچه میلیون افغانی ضرر ییتیشگن.
اوشبو دوکاندار‌لردن بیر قطاری نینگ ایتیش‌لر‌یچه، هر بیر دوکاندار گه ۲۰دن ۱۰۰ مینگ آمریکالیک دالر‌گچه ضرر یتیشگن و حاضرگی حکومت خساره‌لر نینگ تاوانی نی بیریشی کیره‌ک.
اولرگه کوره، اوت گه یانگن دکان‍لرگه یونانی داروخانه‌لر، کفش فروشگاه‌لری و زیورات دکان‌لری هم شامل بوله‌دی.
زیان کورگن‌لردن بیری عبدالحمید نینگ ایتیشیچه، دوکانیده اوت گه یانگن کالا‌لر نینگ بهاسی ۴۷ مینگ دالر گه ییتیشه‌دی ایکن و شونینگدیک بنا‌نینگ بهاسی هم ۱۰ مینگ دالر ایکن که برچه‌سی ۵۷ مینگ دالر بوله‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، قندز ده بلدیه باشلیغی مولوی محمد‌الیاس نینگ ایتیشیچه، دوکان‌دارلرگه یتیشگن ضررلرنینگ جبران قیلیش اوچون، تیکشیرولر باشلنگن.
اونینگ ایتیشیچه، طالبان کیله‌جکده ضررلر اوچون برنامه‌لری بار و خساره‌لرنینگ جبران قیلگندن کیین، دوکاندار‌لر رویخط نینگ باشیده قرار تاپیشی ممکن.
ایتیش کیره‌ک که قندز شهری طالبان قولیگه سقوط قیلگنیدن کیین، یشاوچیلرگه یتیشگن ضررلرگه علاوه، یشاوچی‌لردن بیر قطاری اوی‌لرینی ترک قیلیش گه زورلنگن و حاضر امنیتی وضعیت یخشی بولیشی بیلن بیجا بولگنلر اوی‌لریگه قیتماقده‌لر.
