غور ده اسلامی امارت مسوول‌لری نینگ ایتیش‌لریچه، اوتگن کیچه اوشبو ولایت مرکزی فیروزکوه شهریده ایکی آدم اوغیرلاوچی شامل ۴ کیشی هلاک ایتیلگن.
بیزلرنینگ فیسبوک صحیفه‌میزگه باش اورینگ!
غور ولایتیده اسلامی امارت استخباراتی اورین باسری محمدصادق رصاص نینگ ایتیشیچه، آدم اوغیرلاوچیلر هزاره قوم‌لریدن ایکی ته‌سینی اوغیرلب و اوققه توتگنیدن سونگ، طالبان کوچلری و آدم اوغیرلاوچیلر آره‌سیده آتیشمه یوز بیرگن نتیجه‌ده آدم اوغیرلاوچی‌لردن ایکی ته‌سی هلاک و باشقه بیرقطاری قاچیب کیتگنلر.
بیراق، غور حاکمی اورین باسری شمس‌الله طریقت نینگ آدم اوغیرلاوچی‌لرنی داعش گروهی گه تیگیشلی عنوان قیلیب ایتیشیچه، بوتوغریده تیکشیریشلر باشلنگن. اونینگ کوپه‌یتیریشیچه، طالبان کوچلری واقعه یوز بیرگن محلده آخته‌ریش عملیات نی باشله‌گن.
عین‌حالده، غور ولایتی کسلخانه‌سی آمری ملامحمود احمدی نینگ ایتیشیچه، اوتگن کیچه ساعت ۱۰ اطرافیده بیر کیشی نینگ جسدی و باشقه بیر یره‌لنگن کیشی کسلخانه‌گه انتقال بیریلگن.
بیزلرنینگ فیسبوک صحیفه‌میزگه باش اورینگ!
غور ولایتیده بیرقطار محلی منبعلرنینگ ایتیش‌لریچه، مذکور آتیشمه‌ده طالبان جنگریلریگه هم تلفات ییتیشگن، لیکن طالبان گروهی بو ادعالرنی رد قیلگن.
حاضرگه‌قدر هیچ‌بیر گروه یا-ده کیشی بو واقعه مسوولیتی‌نی بوینیگه آلمه‌گن.
