طالبان کوچلری آدم اوغیرلاوچیلیککه عیبلنگن ۴ کیشی نینگ جسدینی هرات نینگ ۴ منطقهسیده آسگن.
هرات ولایتی بوییچه اسلامی امارت مسووللری نینگ ایتیشلریچه، مذکور کیشیلر بیر آته و اوغیل نی اوشبو ولایت نینگ «دربملک» منطقهسیدن اوغیرلگن ایکنلر.
بیزلرنینگ فیسبوک صحیفهمیزگه باش اورینگ!
هرات حاکمی اورین باسری مولوی شیراحمد عمار نینگ ایتیشیچه، مذکور کیشیلر طالبان جنگریلری بیلن صورت تاپگن آتیشمه نتیجهسیده هلاک ایتیلگنلر.
طالبان تامانیدن آسیلگن کیشیلرنینگ تنهسیده، «اوغیرلاوچیلیک قیلکن کیشیلرنینگ جزاسی انه شوو دیر.» دیب یازیلگن.
طالبان نینگ اوشبو ایشلری اجتماعی ترماقلر فعاللری و یشاوچیلری نینگ ایجابی و سلبی واکنشلری بیلن روپهره بولگن.
اجتماعی ترماقلر فعاللری نینگ ایتیشلریچه، عیبلنگن کیشیلرنی جزالنتیریلمسدن آلدین محکمه ایتیلیشی کیرهک.
بوندن آلدین طالبان گروهی ایکی کیشینی اوغیرلاوچیلیک عیبی بیلن یوزلرینی قاره قیلیب و جادهلرده گیزدیرگن ایدی.