تخار ولایتی کینگش کاتبی محمداعظم افضلی نینگ سلام‌وطندارگه ایتیشیچه، طالبان جنگریلری اوتگن کیچه، اوشبو ولایت نینگ چاه‌آب تومنی اوستیگه هجوم قیلگن و بوگون “چهارشنبه” امنیتی کوچلر اوشبو تومن پولیس قومندانلیگی و تومن بناسینی ترک قیلیب شهر باشقه منطقه‌لریگه جایلشگنلر.
جناب افضلی نینگ ایتیشیچه، امنیتی کوچلر، تینچ اهالی تلفاتی‌گه توسیق بولیش اوچون تومن بناسی و پولیس قومندانلیگی‌نی ترک قیلگن‌لر.
تخار ولایتی کینگش کاتبی‌گه کوره، حاضرگه‌قدر امنیتی کوچلر و طالبان تلفاتی‌دن بیللی ارقام قولگه یوق.
چاه‌آب محلی مسوول‌لری و یشاوچی‌لری نینگ ایتیش‌لریچه، طالبان گروهی مخابراتی ترماقلر فعالیتی‌نی توخته‌تگن.
شونینگدیک، سلام‌وطندار اختیاریگه قرار تاپگن صورت‌لرگه قره‌گنده، چاه‌آب یشاوچی‌لریدن بیرقطاری اوی‌لرینی ترک قیلماقده.
عین‌حالده، تخار حاکمی سوزلاوچیسی حامد مبارز نینگ ایتیشیچه، چاه‌آب تومنی سقوط قیلمه‌گن و امنیتی کوچلر هماهنگ‌لیکده طالبان‌گه قرشی اوروش ماقده‌لر. مبارز نینگ کوپه‌یتیریشیچه، طالبانی‌نی نابود قیلیش اوچون کمکی کوچلر چاه‌آب گه یوباریلگن.
تخار حاکمی سوزلاوچیسی‌گه کوره، مذکور آتیشمه‌لرده طالبان بیر قومندانی شامل ۶ جنگریسی هلاک ایتیلگن.
تخار امنیتی مسوول‌لری و طالبان گروهی حاضرگه‌قدر بوتوغریده فکر بیلدیرمه‌گن.
ایتیلیشیچه، اوتگن ۳ کون جریانیده مملکت ۴ ولایتیده ۶ تومن طالبان قولیگه سقوط قیلگن.
