هراتده اسلام‌قلعه و تورغندی گمرک‌لری، فراه ده ابونصر فراهی گمرکی، تخار ده آی‌خانم گمرکی، قندوز ده شیرخان گمرکی و پکتیا ده دندپتان گمرکی طالبان نظارتیگه اوتگن گمرکلر جمله‌سیدن دیر.
مالیه وزیرلیگی سوزلاوچیسی رفیع‌الله تابیع نینگ ایتیشیچه، اوشبو وزارت حاضرده مذکور ۶ گمرک‌که فعالیت قیلمه‌یدی و بو مسله ملی درآمد اوستیگه سلبی تاثیر قوییگن. اونینگ ایتیشیچه، دولت گمرکی درآمدلریدن ۴۰% نی قولدن بیرگن و بو درآمد حاضرده طالبان اختیاریگه قرار تاپه‌دی.
بیزلرنینگ فیسبوک صحیفه‌میزگه باش اورینگ!
مالیه وزیرلیگی سوزلاوچیسی نینگ کوپه‌یتیریشیچه، اوشبو وزارت جاری ییل جوزا آیی‌ده گمرکی‌لردن ۷.۳ میلیارد افغانی قولگه کیلتیرگن و بو رقم سرطان آیی‌ده ۴.۶ میلیارد افغانی‌گه کمه‌یگن.
عین‌حالده، طالبان سوزلاوچیسی ذبیحالله مجاهد نینگ ایتیشیچه، سپین‌بولدک شامل ۷ گمرک اوشبو گروه اختیاریگه دیر و گمرکی درآمدلرنی توپله‌یدیلر. اونینگ کوپه‌یتیریشیچه، بازارلرده ییگولیک ماده بهاسی یوقاری کیتیشی‌گه توسیق بولیش اوچون گمرکی محصول‌لرنی کمه‌یتیرگنلر.
جناب مجاهدگه کوره، محصول‌لرنی اخذ قیلیش اوچون سوداگرلر بیلن مصلحت‌لرنی دوامی بار و قولگه کیلگن محصول‌لر کیشیلر اختیاریگه قرار تاپمه‌یدی، بلکیم بیت‌المال گه توپلنه‌دی.
ایتیلیشیچه، افغانستان بوییچه بیرلشگن ملتلر تشکیلاتی نینگ خاص نماینده‌سی دیبرا لاینز مملکت گمرک‌لری نینگ طالبان نظارتیگه اوتگنیدن خواطر بیلدیرگن.
بیزلرنینگ فیسبوک صحیفه‌میزگه باش اورینگ!
افغانستان بوییچه بیرلشگن ملتلر تشکیلاتی نینگ خاص نماینده‌سی، اوتگن کونی جمهورلیک ریاستی‌گه یولگه قوییلگن ییغینده، گمرکی درآمدلر اوتگن ییلگه قره‌گنده جاری ییلده ۴۰% کمه‌یگنی‌نی بیلدیرگن ایدی و بو وضعیتدن خواطر بیلدیرگن ایدی.
