قندوز ولایتی کینگش اعضاسی محمدیوسف ایوبی نینگ ایتیشیچه، طالبان گروهی نینگ هجومی نتیجه‌سیده دشت‌ارچی تومنی سقوط قیلگن. محلی منبعلرنینگ ایتیش‌لریچه، امنیتی کوچلر تومن بازاری نینگ اطرافیده‌گی پوسته‌لرنی ترک قیلیب و آرقه گه چیکیلگن.
منبعلرنینگ سلام‌وطندارگه ایتیش‌لریچه، طالبان بوگون ایرته‌لب ساعت ۸ اطرافیده دشت‌ارچی تومن بازاری اوستیگه هجوم باشله‌گن.
دشت‌ارچی تومن ولسوالی نبی کاکر نینگ سلام‌وطندارگه ایتیشیچه، امنیتی کوچلر آرقه گه چکیلماقده و دشت‌ارچی تومنی نینگ ایریم بولیمیده آتیشمه دوام ایتیب کیلماقده.
قندوز حاکمی سوزلاوچیسی عصمت‌الله مرادی نینگ ایتیشیچه، ایکی تامان آره‌سیده یوزبیرگن آتیشمه‌لرده حاضرگچه ۸ طالب هلاک و باشقه ۱۳ طالب یره‌لنگن. جناب مرادی گه کوره، بو آتیشمه‌لرده امنیتی کوچلردن ۳ ته‌سی هلاک ایتیلگن.
قندوز حاکمی سوزلاوچیسی گه کوره، یاردمچی کوچلر طالبان هجومی نی دفع قیلیش اوچون ییر و هوادن هجوم گه باشله‌گن.
طالبان حاضرگچه بو حقده فکر بیلدیرمه‌گن.
