قندوز ولایتیدن بیر منبع نینگ ایتیشیچه، طالبان گروهی مذکور ولایت نینگ امام‌صاحب تومنیده جایلشگن بالاحصار منطقه‌سیده، امنیتی کوچلرنینگ بیر پوسته‌سی اوستیگه گروهی هجوم قیلیب ۱۰ عسکر نی هلاک و باشقه ۱۱ عسکر نی یره‌لنتیرگن.
منبع آتی فاش ایتیلیشی نی ایستمه‌ی سلام‌وطندارگه ایتیشیچه، طالبان گروهی اوتگن کیچه (پنج‌شنبه ۲۳- عقرب) ساعت ۱:۱۵ اطرافیده بو تومنده‌گی امنیتی کوچلرنینگ پوسته‌سی اوستیگه هجوم قیلگن.
منبع گه کوره، شونینگدیک امنیتی کوچلر گه یاردم بیریش اوچون اوروش محلی ده باره‌دیگن بیر تانک یول چیککه‌سیده جایلشتیریلگن ماین بیلن دوچ کیلگن کیم نتیجه‌ده، امنیتی کوچلردن ۳ ته‌سی هلاک و باشقه ۲ ته‌سی یره‌لنگن.
قندوز ولایتی نینگ امام‌صاحب تومن ولسوالی محبوب‌الله سعیدی بو خبرنی تصدیق‌لب سلام‌وطندارگه ایتیشیچه، طالبان حادثه محلیدن آرقه گه چیکیلگن.
اونگه کوره، مذکور آتیشمه‌ده ۱۰ طالب هلاک ایتیلگن. او، امنیتی کوچلرنینگ تلفاتی حقیده هیچ بیر نرسه دیمه‌گن.
۲۱۷ پامیر قول اردو قومندانلیگی سوزلاوچیسی هادی جمال نینگ ایتیشیچه، بو هجوم ده امنیتی کوچلرگه تلفات ییتیشگن.
قندوز حاکمی سوزلاوچیسی عصمت‌الله مرادی نینگ ایتیشیچه، اوشبو آتیشمه ده طالبان جنگریلریدن قطاری هلاک ایتیلگن. او، یالغیز ۵ عسکر هلاک ایتیلگنی نی تصدیقله‌گن.
طالبان گروهی حاضرگچه بو حقده فکر بیلدیرمه‌گن.
