پکتیا محلی مسووللری نینگ ایتیشلریچه، طالبان گروهی تورلی بهانهلر بیلن قراردادلر، شرکتلر و سوداگرلردن باج آلهدی و قطار پروژهلر عملگه آشیریلیشیده توسیق بولهدیلر.
پکتیا حاکمی محمد حلیم فدایی نینگ سلاموطندارگه ایتیشیچه، طالبان گروهی پکتیا ولایتیده ایشی دوام ایتهدیگن بوتون پروژهلردن پول آلهدی.
جناب فدایی، طالبان گروهی شخصی منفعتلری اوچون جهاد آتیدن ناتوغری فایدهلنهدی، پروژهلردن باج آلیب و اهالی گه ظلم قیلهدی.
پکتیا حاکمیگه کوره، طالبان گروهی جاری ییلده ایریم پروژهلر و سوداگرلردن ۳۰۰ میلیون افغانی پول آلگن.
عینحالده، پکتیا ولایت کینگشی باشلیغی عبدالمالک زازی نینگ بو موضوعی تصدیقلب ایتیشیچه، طالبان گروهی شرکتلر و پروژهلردن زوردن باج آلهدی و پروژهلر پول بیرمهگن صورتده، ایشلریگه توسیق بولهدی.
شونینگدیک، سلاموطندار اختیاریگه قرار تاپگن حجتلرگه کوره، طالبان گروهی اوتگن ۲۰ آی ده احمد آباد تومنیدهگی مچلغو سوو توغانی پروژهسیدن ۵ میلیون افغانی پول آلگن.
بیراق، طالبان سوزلاوچیسی ذبیحالله مجاهد، اوشبو گروهی نینگ کینگیتیریش پروژهلردن پول آلیشینی رد قیلیب، لیکن قطار پروژهلرنینگ امنیتینی تامینلش اوچون ۲ یا-ده ۳% پول آلیشلرینی قبول قیلگن.