تخار ولایتیدن آتی فاش ایتیلیشی نی ایستمه‌گن امنیتی بیر منبع نینگ سلام‌وطندارگه ایتیشیچه، اوتگن کیچه بو ولایت رستاق تومنی نینگ «دیوار تنگ» منطقه‌سیده، طالبان هجومی باعث چیگره کندک قومندانی شامل ۷ حربی هلاک و بو حربی‌لردن باشقه ۱۲ ته‌سی ایسه تن جراحتی کوتارگن.
منبع گه کوره، طالبان کیچه ۹ ده هجوم‌لرینی باشله‌گن و بیر ساعت دن کیین کوپ تلفات بیریش بیلن هجوم‌لرینی توختتگن. بیراق منبع نینگ کوپه‌یتیریشیچه، بوگون ایرته‌لب ساعت ۲ ده طالبان قیزیل قطعه‌سی ینه هجوم گه باشله‌گن که آتیشمه نتیجه‌سیده، امنیتی کوچلر کوپ تلفات کورگن.
بیزلرنینگ فیسبوک صحیفه‌میزگه باش اورینگ!
منبع نینگ ایتیشیچه، مملکت حربی‌لری طالبان نی بمبارد قیلیش بیلن مذکور گروه گه آغیر تلفات ییتیشتیرگن؛ بیراق هلاک بولگنلر و تن جراحتی کوتارگن کیشیلرنینگ سانی حاضرگچه بیللی بولمه‌گن.
عین حالده، طالبان سوزلاوچی‌لریدن بیری ذبیح‌الله مجاهد نینگ سلام‌وطندارگه ایتیشیچه، بو گروه جنگریلری رستاق تومنی نینگ «دیوار سنگ» منطقه‌سیده امنیتی کوچلردن ۱۵ ته‌سینی اولدیریب و باشقه ۱۷ ته‌سینی ایسه یره‌لنتیرگن. طالبان سوزلاوچیسی اوز جنگریلری نینگ تلفاتی توغریسیده حاضرگچه هیچ بیر نرسه دیمه‌گن.
