تورکیه تشقی ایشلر وزیرلیگی، اسرائیل حربی کوچلری‌نینگ غزه‌ده ناصر طبیات مجموعه‌سیگه اویوشتیرگن هجومینی خلق‌ارا حقوقلرنینگ جدی بوزیلیشی دیب و اونی قاره‌له‌گن.
اوشبو وزیرلیک، بوگون (۲۲ عقرب/۱۳ نومبر، جمعه) ایکس صحیفه‌سیده بیر بیانیه ترقه‌تیب یازیشیچه، اسرائیلنینگ غزه گه قیلگن هجومی اوشبو دولت تینچلیک طرفداری ایمسلیگینی کورسته‌دی. تورکیه تشقی ایشلر وزیرلیگی، خلق‌ارا همجمعیت‌نی فلسطین خلقینی حمایه قیلیش همده غزه‌ده تینچلیک و برقرارلیکنی تأمینلش اوچون ضرور چاره‌لرنی کوریشگه چقیرگن.
اسرائیل حربی کوچلری اوتگن کونی خان‌یونس شهری‌نینگ غربی قسمیده جایلشگن ناصر طبیات مجموعه‌سیگه ضربه بیرگن و اونینگ نتیجه‌سیده بیر نیچه نفر فلسطین‌لیک اولیب و یره‌لنگن.
اسرائیل و حماس اورته‌سیده اوتگن میلادی ییل‌نینگ اکتوبر آیی‌ده آتیش کیسین بوییچه کیلیشوویگه قره‌می، اسرائیلنینگ غزه گه قرشی هجوملری توختمه‌گن.
