طبیعی حادثه‌لر گه قرشی کوره‌ش وزیرلیگی مسئوللری نینگ ایتیش‌لریچه، چهارشنبه کونی پکتیکا، پکتیا و خوست ولایت‌لریده یوز بیرگن زلزله عاقبتیده، اهالی گه کوپینچه مالی و جانی زیان ییتیشگن. مسئوللر گه کوره، اوشبو ولایت‌لرده یوز بیرگن زلزله نتیجه‌سیده، ۱۰ مینگ یشش اوی تخریب بولگن.
طبیعی حادثه‌لر گه قرشی کوره‌ش وزیرلیگی نینگ اداری و مالی معینی غلام غوث ناصری نینگ ایتیشیچه، جنوب‌شرقی ولایت‌لرده یوز بیرگن زلزله خصوصیده‌گی آخرگی معلومات‌لر گه کوره، مذکور ولایت‌لر نینگ یشاوچیلری گه اونلرچه میلیون دالر مالی خساره ییتیشگن.
بیزلرنینگ توییترده هم تعقیب قیلینگ!
ناصری نینگ کوپه‌یتیریشیچه، پکتیکا، پکتیا و خوست ولایت‌لریده زلزله یوز بیرگنیدن کیین، سروی کمیته‌لری، ییمک ترقه‌تیش، عاجل کمیته و پول توزیع قیلیش‌دن نظارت قیلووچی کمیته شامل بولگن بیر اداره تشکیل بولدی.
اونگه کوره، ۵ کون جریانیده، ۷۱ میلیون و ۳۰۰ مینگ افغانی‌دن آرتیق پول شفاف شکلده زیان کورگنلر گه ترقه‌تیلگن.
لیکن زلزله عاقبیتده زیان کورگنلردن قطاری نینگ ادعاسی گه کوره، ۵ کون اوتگنی بیلن حاضرگچه هیچ بیر یاردم قولگه کیلتیرمه‌گنلر. اولر انسان‌دوست‌لیک یاردم‌لر نینگ عادلانه شکلده ترقه‌لمه‌یشی خصوصیده شکایت قیله‌دیلر.
زیان کورگنلردن بیری وزیرا خان باشی‌خیل نینگ ایتیشیچه: «یاردم بیریلمه‌گن، ۱۶ عایله‌میز؛ لیکن هیچ کیم خبری‌میز نی آلمه‌گن. یاردم ترقه‌تیش کمیته توزه‌لگن و قیشلاغی‌میزدن هم نماینده بار؛ بیراق حاضرگچه بیزلر گه یاردم ییتشمه‌گن.»
زیان کورگنلردن باشقه بیری صالح محمد نینگ ایتیشیچه: «یاردم‌لر کیلن، بیراق یاردم‌لر وضعیت‌لری یخشی بولگن کیشی‌لر گه ییتیشه‌دی. هر کیم اوز یقین‌داشلری گه یاردم ییتیشیشی خصوصیده کمک قیله‌دی. توزیع‌ده هم واسطه‌چیلیک بار. حاضرگچه بیر بوجی اون و بیر روپیه هم آلگنیم یوق.»
طبیعی حادثه‌لر گه قرشی کوره‌ش وزیرلیگی مسئوللری بوتوغریده‌گی قیین‌چیلکلر نی قبول قیلیب و اتیتیشیچه، مواصلاتی قیین‌چیلیکلر باعث، زیان کورگنلر انسان دوستلیک یاردم گه قول تاپه آلمه‌گنلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، پکیتکا‌ده‌گی زیان کورگنلر گه یاردم ترقه‌تیش اوچون ولایتی کمیته رئیسی مولوی احمد نینگ ایتیشیچه، بوندن کیین، زیان کورگنلر گه یاردم پروسه‌سی اوشبو کمیته آرقه‌لی صورت تاپه‌دی. اونینگ کوپه‌یتیریشیچه، اسلامی امارت، خیریه نهاد‌لر و شخصی نهاد‌لر نینگ یاردم‌لری، مذکور کمیته آرقه‌لی توزیع بوله‌دی، لیکن خلق‌ارا انسانی نهاد‌لر یاردم‌لری ایسه نهاد‌لر نینگ اوز اختیاریده دیر.
عین حالده، اوتگن نیچه کون جریانیده، مملکت‌لردن قطاری اینیقسه هند، پاکستان، ازبیکستان، ترکمنستان و قطر نینگ کمکی محموله‌لری نی زیان کورگن ولایت‌لر گه یوبارگنلر. اونگه علاوه زیان کورگنلر گه خلق‌ارا نهاد‌لر نینگ فعالیت‌لری هم دوام قیلماقده.
