بیرلشگن ملتلر تشکیلاتی نینگ انسان پرورلیک ایشلری بوییچه کاتبی نینگ اورین باسری مارتین گریفیتس، افغانستان ده زلزله باعث زیان کورگن عایلهلر گه ۱۰ میلیون دالر یاردم بیریلیشیدن خبر بیرگن.
او اوتگن کونی اوز توییتری ده یازیشیچه، اوشبو یاردملر بیرلشگن ملتلر تشکیلاتی نینگ اضطراری صندوقی آرقهلی افغانستان ده زلزله باعث زیان کورگنلر گه توزیع قیلینهدی.
بیزلرنینگ توییترده هم تعقیب قیلینگ!
گریفیتس نینگ کوپهیتیریشیچه، اوشبو زلزله ده یوزلرچه کیشی جان بیردی، بیرقطار کیشیلر یرهلنیب و یشش اویلر ایسه ویران بولگن.
اوتگن کونی، انسان پرورلیک یاردملری یوکلنگن اوزبیکستان نینگ ایکی اوچاقی و تورکمنستان نینگ بیر اوچاقی افغانستان گه ییتیب کیلدی.
ینگی لیکده افغانستان ملی رادیو_تلویزیونی، هندوستان ۳۰۰۰ تُن بوغدای افغانستان گه یاردم بیرگنیدن خبر بیرگن.
بیزلرنینگ فیسبوک صحیفهمیزگه باش اورینگ!
باشقه تاماندن، قطار ولایتلرده مدنی فعاللر و یاشلردن بیر تعدادی، خوست و پکتیکا ولایتلریده زلزله طفیلی زیان کورگنلر گه یاردم ییغیش و قان بیریش کمپاینینی یولگه قویگنلر.
بوندن آلدین، قطار اولکهلر و خلقارا نهادلر، افغانستان ده زلزله باعث زیان کورگنلرنی قوللب_قوتلش اوچون انسان پرورلیک یاردم بیریشلرینی بیلدیرگنلر.